Jy is hier: Kundiges / Vra-vir-faffa / Grond-plante-en-plae / Plae / Maatre-ls-om-te-keer-dat-muise-jou-oes-opvreet

Nuus

Ná jare se beplanning en maande se wag het die SKA-organisasie aangekondig dat Suid-Afrika en Australië dié teleskoop sal deel.

Lekkerlees

My Weer

Kaapstad

Vrydag
Kans op reën
Hoog:18 C
Laag:10 C

Saterdag
Kans op reën
Hoog:19 C
Laag:9 C

Sondag
Sonskyn
Hoog:19 C
Laag:7 C

Sonsopkoms: 7:38

Sonsondergang: 17:46

Kaapstad

Bygewerk:	25 May 20:00 IDT
Temp:
Druk:
Doupunt:
Humiditeit:	88%
Wind:

Kaapstad

Peiling

Maatreёls om te keer dat muise jou oes opvreet

Ingestuur deur Faffa op 1 November, 2010 - 13:24

Vraag

Watter maatreёls kan getref word om oesverliese weens nagmuise te verminder?

Antwoord

Deur: GRAAN SA

Graan SA skryf in sy jongste nuusbrief muisgetalle kan in mielielande verlaag word deur die volgende riglyne te volg:

· Probeer om die voedselvoorraad vir muise so laag as moontlik te hou deur die vermorste graan ná die stroopproses te verwyder.

· Brand wenakkers en kontoerwalle wat met gras en onkruid bedek is. Welige plantegroei in hierdie areas verskaf broeiplek en skuiling aan muise. Dit is ook makliker om muiskolonies in gebrande areas te sien.

· Maak ‘n opname van muiskolonies in lande, wenakkers en kontoerwalle en merk die kolonies vir giftoediening en opvolgaksies.

· Muisgetalle moet gemonitor word deur die aantal aktiewe muisgate aan te teken. Die monitering word gedoen deur die toetrap van muisgate in die laatmiddag en notering van aktiewe (oop) gate die volgende oggend.

· Indien muisgetalle hoog is, is dit wenslik om gifbehandeling kort voor planttyd te doen.

· Gebruik die beroking – of lokaasbehandeling, soos hier onder uiteengesit.

· Om sekondêre vergiftiging te voorkom, is dit wenslik dat indien lokaas gebruik word, al die roofvoёlrusplekke vir ‘n tydperk van sewe dae ná toediening verwyder word. Tydens die tydperk moet die behandelde area ook vir dooie muise gefynkam word. Dooie muise moet so diep as moontlik begrawe word.

· Ongeag die boerderymetode is dit wenslik om die areas met ‘n hoё muistonneldigtheid so diep moontlik om te ploeg om tonnels en broeiplekke te vernietig.

Tonnelberoking en lokaastoedienings:

· Slegs aktiewe gate moet behandel word. Trap gate die middag voor giftoediening toe en behandel dan net oop gate die volgende dag.

· Plaas die berokingspille en lokaas so diep moontlik in muistonnels en trap die opening toe.

· Probeer vasstel of die lokaas geёet word deur ‘n paar behandelde tonnels versigtig oop te krap. Indien die lokaas nie geёet word nie, moet ‘n ander lokaas gebruik word of beroking moet gedoen word.

· Tonnelberoking/lokaastoediening moet vir drie agtereenvolgende dae gedoen word.

· Indien daar nog muisaktiwiteite ná die eerste behandeling is, moet dit opgevolg word met nog ‘n behandeling sewe dae later.

· Hierdie gifbehandeling moet herhaal word ongeveer twee weke voor planttyd.

Let daarop dat nagmuisbeheer ‘n langtermynbestuursmaatreёl is wat beplanning verg en dat bloot die toediening van gif nie die gewensde resultate kan lewer nie. Dit is verder belangrik om uile te vestig in die areas waar muise voorkom, deur die oprigting van geskikte broeihokke en rusplekke vir uile.

Die artikel het in Beeld van 29 Oktober 2010 verskyn.