Witvlieg op plante
Ingestuur deur Onbekende besoeker op 31 Januarie, 2012 - 08:34
Vraag
Wat is die beste raad vir witvlieg op plante bv. tamaties? Ek koop ten duurste produkte vir witvlieg, maar dit lyk my die plaag word net al meer. Help asseblief.
Antwoord
Witvlieg (Bemisia tabaci) is ‘n plaag op ‘n groot aantal plante, nie net as gevolg van die direkte skade wat die volwassenes en nimfe veroorsaak nie, maar die volwasse vlieg is ook’n baie goeie vektor van ‘n aantal plant virussiektes.
Die probleem hier is dat ons nie weet of die tamaties in ‘n huistuin gekweek word en of dit ‘n kommersiёle aanplanting is nie.
Daar is ongelukkig geen plaagdoder vir gebruik op tamaties in huistuine geregistreer nie. Daar is wel ‘n aantal middels vir gebruik op sierplante in tuine geregistreer, maar volgens wet (wet 36/1947) mag hulle nie op tamaties gebruik word nie. Een van die redes hiervoor is dat die gevaar van toksiese residue op die vrugte groot is as daar nie genoeg tyd verloop tussen die laaste bespuiting en die pluk van die tamaties nie. In kommersiёle aanplantings is daar meganismes in plek om residue te monitor wat nie die geval in tuine is nie.
Witvlieё broei in die afseisoen op groen plantreste, ander plante of onkruide. Dit is dus belangrik om te verhoed dat daar geen moontlike broeiplekke in die omgewing is nie.
Geskryf deur: dr. Victor Whitlock, Landboukundige (whitlockv@yahoo.com)
31 Januarie 2012
Om te sien hoe witvlieg lyk, klik op onderstaande webadres
Addisionele dokument
- 526 keer gelees
Geborgde skakels
Daaglikse nuusbrief
Weeklikse nuusbrief
Teken In
E-pos forum
Gewildste stories
Alle regte voorbehou. © Landbou.com 2011. In Suid-Afrika gepubliseer deur Media24
Web Development by FormFunction
Kommentaar
Lewer kommentaar. (Jy hoef nie ingeteken te wees nie.)