Snoei van gevestigde vyebome
Ingestuur deur Faffa op 12 Februarie, 2012 - 07:10
Vraag
Ons woon in Parys , Vrystaat en ek het ‘n paar (letterlik) vyebome wat baie wild gegroei het, geёrf. Die vrugte is heerlik (effens pienk vleis) maar ek dink die bome sal baat by ‘n goeie snoei. Hulle staan ook onder ‘n reuse pekanneutboom en het lig toe gegroei.
Vrae:
• Waneer moet ek hulle snoei? Soos ek dit het, dra hulle op nuwe hout/takke. Is dit reg? ‘n Vrugteboer van Naboomspruit het gesê ek moet hulle nou snoei sodat hulle kan herstel voor die lente.
• Moet ek die hele boom gelyk snoei of oor twee seisoene? Ek aanvaar dat as ek hom eenmalig snoei, gaan ons dalk min vye in die eerste jaar na die snoei kry.
Antwoord
Deur: DR. VICTOR WHITLOCK
Die beste tyd om die bome te snoei, is waneer hulle dormant is, dus in die winter.
Begin deur al die dooie takke en takke wat tekens van siektes toon of wat letsels op het, te verwyder. Indien daar enige takke is wat duidelik nie meer groei nie, sny hulle ook af. Verwyder ook alle takke wat horisontaal of afwaarts groei.
Om vrugvorming te stimuleer moet die oorblywende takke met omtrent 25% teruggesnoei word.
Kyk verder na die vorm van die boom en probeer om die vorm so simetries as moontlik te kry.
Ek glo nie dit is nodig om die snoeiproses oor twee seisoene uit te rek nie.
Pla die pekanneut boom nie? As dit ‘n digte boom is sal ‘n tekort aan lig vir die vyebome ’n probleem wees.
Geskryf deur: dr. Victor Victor Whitlock, Landboukundige (whitlockv@yahoo.com)
11 Februarie 2012
Lees ook:
Addisionele dokument
- 348 keer gelees
Geborgde skakels
Daaglikse nuusbrief
Weeklikse nuusbrief
Teken In
E-pos forum
Gewildste stories
Immergroen stories
Alle regte voorbehou. © Landbou.com 2011. In Suid-Afrika gepubliseer deur Media24
Web Development by FormFunction
Kommentaar
Lewer kommentaar. (Jy hoef nie ingeteken te wees nie.)