Jy is hier: Kundiges / Vra-vir-faffa / Skape-en-bokke / Siektes / Slenkdalkoors / Vroegste-ouderdom-waarop-slenkdalkoorsen

Nuus

SA en Australië deel SKA-projek

Ná jare se beplanning en maande se wag het die SKA-organisasie aangekondig dat Suid-Afrika en Australië dié teleskoop sal deel.

Lekkerlees

My Weer

Kaapstad

Vrydag
Kans op reën
Hoog:18 C
Laag:10 C

Saterdag
Kans op reën
Hoog:19 C
Laag:9 C

Sondag
Sonskyn
Hoog:19 C
Laag:7 C

Sonsopkoms: 7:38

Sonsondergang: 17:46

Kaapstad

Bygewerk:	25 May 23:00 IDT
Temp:
Druk:
Doupunt:
Humiditeit:	88%
Wind:

Kaapstad

Peiling

Vroegste ouderdom waarop Slenkdalkoorsentstof toegedien kan word

Ingestuur deur Onbekende besoeker op 5 Julie, 2010 - 21:53

Vraag

Wat is die vroegste ouderdom wanneer ek lammers teen Slenkdal kan ent?

Antwoord

Deur: Dr. FAFFA MALAN

Indien koeie of ooie voorheen met die lewende Slenkdalkoors (SK) entstof ingeёnt is, behoort hulle immuun te wees vir hulle volle leeftyd. Lammers en kalwers uit hierdie diere gebore word vir ongeveer 6 maande deur die teenliggame in die biesmelk teen SK beskerm. Dit is dus uiters belangrik dat die lammers en kalwers genoeg biesmelk inneem binne 6 ure na geboorte. Hierdie lammers en kalwers word eers na 6 maande teen SK ingeёnt omdat die passiewe immuniteit wat deur die biesmelk verkry is, die immuunrespons van die lam of kalf sal blokkeer indien hulle te vroeg met SK entstof ingeёnt word.

Die immuniteit wat verwek word nadat die geїnaktiveerde entstof toegedien word aan koeie en ooie is een jaar, maar kan nie in alle gevalle gewaarborg word nie. Dié entstof moet dus jaarliks toegedien word. Dieselfde aanbeveling rakende ouderdom word soos hierbo beskryf, aanbeveel.

Indien koeie en ooie nog nie voorheen teen SK ingeёnt is nie, kan die SK entstof van jou keuse op enige ouderdom aan diere toegedien word. Lammetjies is gewoonlik nog swak, so wag tot hulle 3 tot 4 weke oud is voor die entstowwe toegedien word. Indien die geїnaktiveerde entstof gebruik word, moet ‘n skraagdosis van die entstof 4 weke later toegedien word.

Onthou dat die lewende entstof een keer vir ‘n dier toegedien word met die aanbeveling dat dit nie vir dragtige diere toegedien moet word nie.

Geskryf deur: dr. Faffa Malan, veeartsenykonsultant (dokfaffa@nashuaisp.co.za)

5 Julie 2010