Menu

Skilpad dieet

Vraag:

Wat is 'n skilpad se dieet? Mag 'n mens 'n skilpad aanhou? Ek het onlangs een gered wat werkers in 'n sak rondgedra het.

Antwoord:

As jy ‘n skilpad in Suid-Afrika wil aanhou, benodig jy ‘n permit van natuurbewaring. 

Skilpaaie is herbivore. ‘n Herbivoor se dieet bestaan hoofsaaklik uit groen plantmateriaal, grasse, blare, party soorte vrugte en groente. Energie word verkry deur bakteriële fermentasie van vesel. ‘n Dieet laag in vesel lei tot loperinge ontlasting. 
 
Die dieet moet hoofsaaklik bestaan uit hoë vesel wat voorsien word deur gras, bossies, hooi en blaargroente (80% van die dieet). Ander groentes kan ongeveer 15% van die dieet uitmaak en vrugte moet nie meer as 5% van die dieet uitmaak nie.   
 
Verskaf so ‘n groot verskeidenheid as moontlik van grasse en bossies. Sien lys van grasse in die aangehegte pdf hieronder.
 
Blaargroente sluit die volgende in: bindslaai, pietersielie, perdeblom, raap- en beetblare, blaarbeet, wortelblare, spinasie, bronslaai. Ander groentes sluit in: blomkool, witwortel, wortels, jong murgpampoentjie, patat, raap, skorsie. Vrugte sluit in: meloen, pruime, pynappel, mango, vye, druiwe, tamatie, appel, peer, aarbeie, framboos, komkommer, waatlemoen, en papaja.
 
Al die blaargroentes, ander groente en vrugte moet afgespoel word en in klein stukkies opgesny word en goed gemeng word waarna dit met ‘n mineraal- en vitamien aanvulling bedek word voordat dit vir die skilpad gevoer word. ‘n Voorbeeld van ‘n mineraal- en vitamienaanvulling wat gebruik kan word, is Nutrobal (Vetark). Onthou dat direkte sonlig nodig is om vitamiene D3 te vorm wat nodig is om kalsium te absorbeer. Vars water moet beskikbaar wees vir die skilpad om te drink en in te bad.                                
 
Verwysings:
1.     Fleming G J. 2007. Reptile Nutrition – What’s new? International Veterinary Information Service. www.ivis.org
2.     The Merck Veterinary Manual [webblad] beskikbaar by http://www.merckvetmanual.com soos beskikbaar op 19 Januarie 2010
3.     Information leaflet from Johannesburg Zoo.
 
Geskryf deur: Dr Sunelle Strydom (BVSc) (drsunelle@vodamail.co.za)
 
30 Januarie 2010

30 Januarie 2010

15714 keer gelees | 11 kommentaar

Kommentaar
Slegs in Afrikaans


monique

2012/07/22 01:05:17 PM

Dis verskriklik dat ons land se wild so uitgeroei word vir China se grille!!! En die regering weet presies wat aangaan, maar pleit "onskuldig"..!! Ek sal dit dan van nou af my taak maak om veral ons skilpaaie te red en te rehabilliteer... Wat aanbetref die mense wat so jaag op paaie in bewaringsgebiede, mag jy vir jou kry!! Ek het al baie diere, skilpaaie inkluis, sien doodle op paaie waar borde jou waarsku teen rondlopende wild en -met spoed-beperkings-, en met my eie oe gesien hoe jaag mense soos maniake en selfs van hulle jaag moedswillig op die ape af, sies vir jou! dis vieslik en wreed!! Mense wat nie die natuur respekteer nie, hoort nie op hierdie aarde nie en besef blykbaar nie: die natuur is ons suurstof, (die bome, plante en blomme saam met die bye vir bestuiwing), ons totale oorlewing(water),ons brandbestryders,- (die renosters EN die osoonlaag) ensovoorts: ensovoorts... Elke wese op hierdie aarde het n doel en die inmenging van die mens, spesifiek die VERWOESTER, het en sal n slegte nagevolg vir ons en ons nageslagte he. "Respekteer die natuur sodat die aarde kan oorleef", moet elke mens se motto wees!!! Word deel van bewarings organisasies en voed jou kinders daarin op... As ons nie WIL sien nie, sal ons blind bly en saam met die aarde vergaan!!! Lank lewe MOEDER AARDE!!!


Connie

2012/12/27 08:47:54 AM

Ek stem volkome saam Mense wat diere mishandel moet op dieselfde manier mishandel word !!!!!!!


Sylvia

2013/12/04 11:44:24 AM

Hi ek het n skilpaaitjie wat ek na baie reen voor my deur gekry het. Ek weet nie hoe hy daar gekom het nie. Daar is geen openinge van buite na binne. Ons bly al 10maande in die huis en is die eerste keer dat ek die skilpad sien. Waar sal hy vandaan kom? Groete Sylvia


Elizabeth

2014/01/02 10:54:31 AM

Sylvia - dit kon moontlik mense wees wat 'n kleintjie weggevat het uit die natuur of mense wat (wederegtelik!) skilpaaie aanhou en die het dan eiers gelê en uitgebroei en natuurlik het die ou kleintjie toe die pad gevat! As enigiemand enige wilde diere kry wat seergekry het of wat by hul aangekom het en nie weet wat om t edoen, kontak ASB freemewildlife - hul website is www.freemewildlife.org of skakel hul by 011-8076993 of as dit dringend of na-ure is by 0835585658. Al is hul in Gauteng gebaseer sal hul kan help met raad of wie om te kontak. EN as jul gereeld by Woolies koop, kry asb 'n MySchool kaart - dis gratis en jy benoem jou gekose liefdadigheidsorganisasie en kies dan freemewildlife! Elke keer wat jy daar koop "swipe" jy jou kaart en hulle kry 'n persentasie van verkope - en dit kos jou absoluut niks! Hulle doen SULKE goeie werk - kyk geru sop hul website! SPREAD THE WORD! Dankie aan almal wat OMGEE en probeer bewaar!


Elizabeth

2014/01/02 11:00:02 AM

Sylvia, kyk gerus ook op www.oysterbayreserve.co.za - daar was juis 'n artikel oor skilpaaie en ook 'n kontaknommer in die kaap. Gaan na www.google.co.za (klik dan op Afrikaanse weergawe) en tik in bergskilpad. Daar sal verskeie "links" opkom en ondermeer een oor die "tuiste van die bergskilpad" - so-iets en die link is na bg website dan kom jy direk op die artikel.


victoria.

2014/01/26 02:32:42 PM

Het n skilpad in my tuin gekry ek pas hom nou op in my huis as ek mag vra moet ek hom terug sit of kan ek hom hou want ons bly by n besige pad en baie plaas masjiene ! Ek gaan my dood huil as hul oor hom ry !


Ansie

2014/02/21 08:15:36 PM

Sal ook graag wil weet wat maak mens n skilpad wat nog baie klein is? Net in tuin gevind. Ma is spoorloos! Bang vrek vd honger. Help asb!


Heidi

2014/03/01 12:18:08 PM

Ons bly op 'n plaas in die Klein Karoo met baie groot grasvelde vir die perde en donkies en 'n gronddam. Met die tyd het ons gesien dat daar meer en meer skilpaaie op die veld is, veral in somermaande, toe kom ons agter hulle kom en te broei. Die kleintjies lyk my is maar op hul eie genade oorgelaat as hulle uitbroei, want ons sien hulle baie sonder die ma! Tot ons verbasing het ons agtergekom ons het nou 'n permanente waterskilpad in die gronddam - waar hy vandaan kom weet niemand,(het 'n varswaterrivier naby ons) maar hy bly nou daar (en ons is baie bang vir ons tone as ons swem). Ek sien ook nou dat jy moet 'n lisensie vir hulle kry, maar hulle kom vrylik by ons aan en het nou ook permanente inwonders op die plaas geword. Het ek nogsteeds 'n lisensie nodig, want hulle kom uit vrye wil en loop orals op die plaas.


cornien

2014/03/16 06:34:00 PM

Ek het 'n klein water skilpad op getel wat gedeeltelik raak gery was in die pad met die hewige reen dae wat ons gehad het. Ons het die kleintjie in 'n dametjie met water en 'n klip waarop hy le. Ons is nie seker wat om hom te voer nie, ons het die raad gekry van blaarslaai en erdwurms? Is daar 'n instansie wat 'n mens in die Roodepoort omgewing kan kontak waarnatoe 'n mens hom kan neem. Ek voel ons het nie die nodige fasiliteite om na hom te kyk nie en wil nie graag he hy moet dood gaan nie.


Lida Smit

2014/03/22 05:02:59 PM

Ek bly op 'n plaas teen die berg en die plaaskinders bring dikwels vir my skilpaaie, party nogal gedehidreed. Hulle is baie gelukkig hier - ons het gister 11 klein baba bergskilpaaie ryker geword. Hulle vernaamste dieet is "plakkies" uit die berg. Elke jaar skryf ons 'n kompetiesie uit van tekeninge en opstelle oor die bewaring van skillies by ons plaaslike skooltjie. Dit is altyd 'n groot okasie as hulle geldpryse, sop en broodjies kry.


Elna Kupke

2014/03/27 09:14:55 AM

Ek bly op 'n hoewe in Pretoria. Ek het bergskilpaaie en was hierdie jaar geseënd met 85 babas. Wat my skok is dat ek heelwat natuurreservate om ons gevra het of hul van die kleingoed soek - ek het natuurlik my voorwaardes ook gehad wat betref hul dieet en veiligheid. Die skilpaaie moes veilig wees in die reservaat buite die bereik van sekere VOETE, want ek was geskok toe 50/50 'n program aanbied en die swartman verduidelik hoe hul die skilpad die vorige aand onder kole toemaak en die volgende oggend word die skilpad onder oopgekraak en uitge-eet. Dit is afgryslik. Dit lyk my vir meeste was dit te veel gevra!!!! Ek het een reservaat wat babas geneem het maar soek nog 'n reservaat wat die res van die babas sal neem. My nommer 082 304 47473/082 816 1162

Naam Kommentaar
E-pos
Tik in die nommers  

Vind jou perfekte maat nou!

Ek is 'n:
Stel belang in:
Ouderdom: tot
Huidige
Ligging:
Wys net profiele met foto's

Teken in vir die nuusbrief

Teken in op Landbou se weeklikse nuusbrief deur jou e-posadres hier in te vul.

Lewende Hawe

Soort 08/04/14 15/04/14 %
Beesvleis A2/A3 3415c 3422c down 0.2
Speenkalf (lewend) 1723c 1719c down -0.2
Skaapvleis A2/A3 4638c 4636c down 0
Varkvleis (gem. prys) 2136c 2119c down -0.8
Braaikuikens 1712c 1721c down 0.5

Aandele

  • Namibiese Elite-koei: Bonsmara

    Funksioneel doeltreffende diere wat oral in alle toestande kan produseer, is die doelwit van mnr. Edward Hansen van Okahandja.

  • Sussex se Elite-koeie

    Met sý Sussex-beeste moet kommersiële boere op die veld wins kan maak, sê mnr. Chris Nel van Petrus Steyn.

  • Beefmasters se Elite-koei

    Mnr. Piet Human van Steynsrus se Beefmasters is die resultaat van die familie wat al 150 met beeste in die Vrystaat boer.

  • Drakensbergers se Elite-koei

    Jou oë kan vir jou jok, maar nie syfers nie, sê mnr. Edwin Schroeder van Dundee, eienaar van die Elite-koei in die Drakensberger-ras.