Jy is hier: Kundiges / Vra-vir-faffa / Steenbokkie-verloor-hare

Nuus

Die Mededingingstribunaal het Rooibos Bpk en die Mededingingskommissie na die onderhandelingstafel teruggestuur om ‘n nuwe ooreenkoms te bereik.

Lekkerlees

My Weer

Kaapstad

Donderdag
Kans op reën
Hoog:19 C
Laag:8 C

Vrydag
Kans op reën
Hoog:19 C
Laag:7 C

Saterdag
Gedeeltelik bewolk
Hoog:22 C
Laag:12 C

Sonsopkoms: 6:53

Sonsondergang: 18:32

Kaapstad

Bygewerk:	09 Sep 13:00 SAST
Temp:
Druk:
Doupunt:
Humiditeit:	64%
Wind:

Kaapstad

Peiling

Steenbokkie verloor hare

Ingestuur deur Paula Rossouw op 13 Oktober, 2009 - 05:36

Vraag

Ek maak ‘n steenbokrammetjie hans groot. Hy is ongeveer 12 weke oud en drink tans 3 maal per dag volroom koeimelk en vreet grassies en blare in die tuin. Dit lyk asof hy hare verloor op sy rug en lieste. Verhaar steenbokkies of is dit dalk ‘n probleem met sy dieet?

Antwoord

Deur: Deur Dr. SUNELLE STRYDOM

Dieet

Eerstens moet ek u inlig dat volroom koeimelk nie die regte dieet vir ‘n klein weesbokkie is nie. Koeimelk bevat te min vet en eiwit vir wildsbokke en beesmelk moet dus verryk word om ‘n hoër vet- en eiwitinhoud te kry. Lees gerus die artikel “Melkformule vir hans-wildsbokkie” wat ook op Vra vir Faffa beskikbaar is. Let asseblief egter daarop dat indien u onmiddellik te drasties sou oorskakel na die melkformule, die bokkie diarree kan ontwikkel. Die meeste wildsbokke sal vanaf die ouderdom van 3 tot 6 maande gespeen word.

Normale en abnormale haarverlies

Haarverlies is net abnormaal as dit gepaard gaan met die ontwikkeling van alopesie, die gedeeltelike of totale afwesigheid van hare in areas waar dit normaalweg voorkom. As die haarverlies nie gepaard gaan met alopesie nie, is dit moontlik dat dit net ‘n normale stadium in die vervanging van die haarpels is, want die ontwikkeling en die groei van ‘n nuwe haar gaan gepaard met die verlies van die ou haar.

Alopesie

Alopesie kan die volgende oorsake hê:

Oorerflike alopesie – tekens sal vanaf geboorte teenwoordig wees
Haarfollikel displasie (die haarfollikel ontwikkel nie normaal nie)
Demodikose (myte)
Fungi
Outo-immuunsiekte
Kanker
Bakteriese velinfeksie
Endokrien abnormaliteite
Voedingstekorte, veral proteïentekorte
Allergiese velkondisies
Ander ektoparasiete

Die behandeling van alopesie sal afhang van die oorsaak en die steenbokkie sal dus na u plaaslike veearts geneem moet word vir ‘n diagnose. ‘n Volledige velondersoek mag nodig wees. Sien gerus artikel “Hond kry vel-allergieë” vir ‘n aanduiding oor wat ‘n velondersoek insluit.

Verwysings:

1. Ettinger S J and Feldman E C. 2000. Textbook of Veterinary Internal Medicine 5^th Edition. W.B. Saunders Company, USA.

2. The Merck Veterinary Manual [webblad] beskikbaar by http://www.merckvetmanual.com soos op 6 Oktober 2009.

3. Bothma J. du P. 1988. Wildsplaasbestuur. J.L. van Schaik (Edms) Bpk, Pretoria.

Geskryf deur: dr. Sunelle Strydom, BVSc

13 Oktober 2009