Honde wat baklei (2)
Ingestuur deur Faffa op 12 Februarie, 2012 - 21:14
Vraag
Ek het twee groot honde, ’n Boerboel en ‘n Doberman. Die Boerboel is 7 jaar oud en die Doberman 2 jaar oud. Hulle baklei nie te gereeld nie, maar as hulle die dag baklei dan baklei hulle vir tot 2 ure aanmekaar.
Ons het al alles waaraan ons kan dink probeer om hulle uit mekaar te kry.
1. Gooi hulle met warm of koue water.
2. Gebruik die tuinslang en spuit hulle sopnat
3. Maak geraas en raas hard
4. Druk stok of iets in hulle bekke
Maar niks help nie, help asb. Ons is raadop!
Antwoord
Deur: DR. SUNELLE STRYDOM
Ek benodig asb die volgende inligting om van hulp te wees:
1. Watter geslag is die twee honde?
2. Beskryf asb. hoe hulle baklei
3. Is daar enige iets wat as ‘n algemene sneller geïdentifiseer kan word vir die bakleiery?
Dr. Sunelle Strydom
Antwoord van eienaar:
Beste Dr,
Baie dankie dat u teruggekom het. Graag die volgende inligting soos versoek:
1. Hulle is altwee reuns en is nie gekastreer nie. Ons het die Doberman as 'n baba gekry en hy het groot geword voor die Boerboel
2. Hulle gryp mekaar die meeste van die tyd aan die keel of kop. Nie een van die twee kry regtig die ander een onder nie, so hulle is die heeltyd op hulle voete as hulle baklei.
3. Kos: ons sorg altyd dat hulle apart is as hulle eet, maar partykeer kom hulle uit voor ons dit kan keer.
As ons by die hek inry, is hulle baie laf en is hulle bly ons is by die huis, dan gryp hulle mekaar sommer van opgewondenheid.
Antwoord van dr. Sunelle
Dit wil vir my voorkom asof daar verskeie gedragsprobleme teenwoordig is en nie net die bakleiery nie. Daar is ongelukkig nie ‘n vinnige oplossing vir die probleme wat u hieronder beskryf nie. Ek stel voor dat julle ‘n gedragspesialis nader. Aangesien julle in Pretoria gebaseer is, kan julle dr. Quixi Sonntag (Quixi@mweb.co.za) se praktyk kontak. Vir ‘n gedragskonsultasie kan julle vir mev. Hester van Aarde kontak by 0125298207 of hester.vanaarde@up.ac.za
Dit is baie beter om nou die probleem aan te spreek, want hoe langer julle wag, hoe groter gaan die gedragsprobleme word.
Geskryf deur: dr. Sunelle Strydom (drsunelle@vodamail.co.za)
11 Februarie 2012
Lees ook:
Honde wat baklei
Dr. Jerry Sutton, my lektor in Diereversorging, het ons geleer dat jy jou vinger in die hond se anus moet steek as hy baklei en nie wil los nie.
Ek het pas in Malelane aangekom toe ek op twee reuse vegtende honde afkom wat ten aanskoue van talle mense mekaar aan die keel beet het..
Mense het alles probeer! Spuitkannetjies, water gespuit, van mekaarprobeer trek, stokke , sweepslae om maar net ‘n paar metodes te noem, maar tevergeefs.
Die anus "triek" het uit my verlede na vore gekom en het ek die hond wat die stewigste greep gehad het van agter bekruip. Die “triek” het soos ‘n soos 'n bom gewerk. Ek moes net vinnig padgee want hy het vinnig gelos en wou nou sy nuwe aanvaller beetkry!
Niemand het my toe geken nie, maar ek was gou algemeen in Malelane bekend as die leeutemmer!
Geskryf deur: dr. Faffa Malan, Veeartskonsultant (dokfaffa@nashuaisp.co.za)
Klink of jou en dr. Jerry se anus-triek die ding sal doen…ek moes al eenkeer 2 pitbulle met chanazine (dit was voor domitor se dae) spuit – toe raak hulle uiteindelik aan die slaap en los mekaar! Eintlik hou ek nogal van jou triek want hy maak nie regtig skade nie – ander trieks soos om die stert te trek kan dalk ‘n besering veroorsaak.
In hierdie spesifieke geval sou ek kastrasie sterk aanbeveel, vir altwee honde. Dit sal beslis ‘n verskil maak. En dan is dit essensieel dat hulle die honde apart hou met etenstye – hulle sal eenvoudig hulle bestuur daarvan moet verbeter.
Geskryf deur: dr. Quixi Sonntag, Dieregedragskundige (quixi@mweb.co.za)
EduPet Veterinary Consulting
PO Box 100689
Moreleta Plaza
0167
Tel +27 012 529 8472
Fax +27 866 890 445
12 Februarie 2012
Addisionele dokument
- 331 keer gelees
Geborgde skakels
Daaglikse nuusbrief
Weeklikse nuusbrief
Teken In
E-pos forum
Gewildste stories
Immergroen stories
Pas gelees
Alle regte voorbehou. © Landbou.com 2011. In Suid-Afrika gepubliseer deur Media24
Web Development by FormFunction
Kommentaar
Steek n opgefrommelde koerantpapier brand en gooi tussen vegters in . Die koerantpapier brand doen geen skade nie
Lewer kommentaar. (Jy hoef nie ingeteken te wees nie.)