Onvrugbaarheid in honde

Vraag:
Ek het so 18 maande terug twee mopshonde by mense gekry so. Die teef het nou al twee keer op hitte gekom en was beide kere gedek sonder dat sy dragtig geraak het. Hoe kan ek hul vrugbaarheid verbeter? - Jurie Wessels (jjmuz@telkomsa.net)

Antwoord:
Oorsake waarom die teef nie "gevat" het nie mag wees dat die teef, of die reun of beide onvrugbaar mag wees. In die geval waar 'n teef gedek word, maar nie dragtig word nie kan daar enige van die volgende foute wees:
 

• Dekking buite die periode waarin sy vrugbaar is.
• Onvrugbaarheid in die reun, bv. abnormale sperme wat geproduseer word.
• Infeksie van die teef se geslagsorgane.
• Verlies van dragtigheid (resorbsie van die embrio's of fetusse).
• Obstruksie van die vagina of serviks.
• Obstruksie van die tubulêre (buise bv. Fallopiese buise) geslagsorgane.

  U sal dus albei honde na u lokale veearts moet neem vir verskeie ondersoeke om te bepaal wat die oorsaak van die onvrugbaarheid is.

   

• Geskryf deur: Dr. Sunelle Strydom Intervet / Schering-Plough Dieregesondheid.

  1 September 2008