Tydperk tussen hitteperiodes in honde
Ingestuur deur Onbekende besoeker op 2 Februarie, 2012 - 07:17
Vraag
My worshondteef was die begin van Desember 2011 op hitte. Ek het haar en die reun geskei vir amper ‘n maand lank. Nou in Januarie 2012 blyk dit dat sy weer op hitte is want die reun wil haar nie uitlos nie en wil haar net dek. Na hoeveel maande sal sy weer op hitte wees?
Antwoord
Deur: DR. SUNELLE STRYDOM
Die kondisie wat u worshondteef ervaar, is heel moontlik verdeelde estrus (“split heat”). Dis ‘n kondisie waar die tekens dat die hond op hitte is, ewe skielik verdwyn net voor ovulasie en weer na 1 tot 10 weke voorkom. Ovulasie vind gewoonlik gedurende die tweede fase plaas. Die kondisie kom algemeen voor in tewe wat die eerste of tweede keer op hitte kom. Behandeling word gewoonlik nie benodig nie. Die tefie kan weer enige iets tussen 4 en 12 maande later op hitte kom. Die gemiddeld is 7 maande.
Indien sy wel verdeelde estrus ervaar, is daar ‘n goeie kans dat die reun haar susksevol kon dek en sy dus dragtig kan wees. Deur haar veearts toe te neem, kan die veearts deur middel van ‘n vaginale smeer bepaal in watter fase van die estrussiklus die tefie tans is en ook adviseer oor wanneer ‘n dragtigheidsondersoek gedoen kan word.
Ek beveel dus aan dat indien u nie klein hondjies wil hê nie, of nie met haar wil teel in die toekoms nie, u haar so spoedig moontlik laat steriliseer.
Verwysings:
Compendium of Animal Reproduction 9th Edition. 2006. Intervet International.
Geskryf deur: Dr Sunelle Strydom (BVSc), drsunelle@vodamail.co.za
31 Januarie 2012
Addisionele dokument
- 337 keer gelees
Geborgde skakels
Daaglikse nuusbrief
Weeklikse nuusbrief
Teken In
E-pos forum
Gewildste stories
Alle regte voorbehou. © Landbou.com 2011. In Suid-Afrika gepubliseer deur Media24
Web Development by FormFunction
Kommentaar
Lewer kommentaar. (Jy hoef nie ingeteken te wees nie.)