Jy is hier: Kundiges / Vra-vir-faffa / Weiding / Bestuur / Afronding-van-lammers-op-grasveld

Nuus

Ná jare se beplanning en maande se wag het die SKA-organisasie aangekondig dat Suid-Afrika en Australië dié teleskoop sal deel.

Lekkerlees

My Weer

Kaapstad

Saterdag
Kans op reën
Hoog:18 C
Laag:9 C

Sondag
Sonskyn
Hoog:20 C
Laag:7 C

Maandag
Sonskyn
Hoog:20 C
Laag:8 C

Sonsopkoms: 7:38

Sonsondergang: 17:46

Kaapstad

Bygewerk:	26 May 03:00 IDT
Temp:
Druk:
Doupunt:
Humiditeit:	82%
Wind:

Kaapstad

Peiling

Afronding van lammers op grasveld

Ingestuur deur Ben Venter op 29 Augustus, 2010 - 11:47

Vraag

Ek het 'n 80 hektaar pan met gras (12 % proteïen) op. Ek wil 'n verskuifbare kamp maak en lammers daarin sit, sodat die ander skaap nie die byvoeding kan vreet nie. Watter byvoeding kan ek gee om die gras optimaal te benut? Ek het mielies indien dit benodig sou word. Sal dit dieselfde resultaat kan gee as ‘n voerkraal en sal ek kostes spaar deur dit so te doen? Groete. Ben Venter

Antwoord

Deur: Dr. JASPER COETZEE

Die gras se proteïeninhoud is baie laag en moet as 'n laegraadse ruvoer beskou word. Indien dit sogende lammers is, moet die verskuifbare kamp opening van 20 tot 25 cm breed en ± 40 cm hoog hê waardeur die lammers kan kruip. Voer hulle die volgende kruipvoermengsel: 150 kg Voermol SS 200 + 150 kg Voermol Procon + 80 kg Voermol Melassemeel + 625 kg fyngemaalde mielies.

Indien dit gespeende lammers is, moet hulle in die verskuifbare kamp geplaas word en die volgende afrondingsmengsel gevoer word: 200 kg Voermol SS 200 + 100 kg Voermol Procon + 80 kg Voermol Melassemeel + 625 kg fyngemaalde mielies.

Op beide mengsels (kruipvoer- en afrondingmengsel) moet die lammers stadig as volg geleidelik aangepas word:

(1) voer die lammers die eerste dag slegs 100 g/lam van die betrokke mengsel;

(2) verhoog die voedingspeil van die mengselelke dag daarna met 100 g/lam, m.a.w. Dag 2: 200 g/lam; Dag 3: 300 g/lam, ensovoorts totdat 'n peil (ad lib.) bereik word waar hulle begin om van die voer te los;

(3) voer elke dag se hoeveelheid in twee porsies, die helfte in die oggend en die ander helfte laatnamiddag;

(4) sorg dat daar voldoende vreetspasie (± 5 cm/sogende lam en 25 tot 30 cm/gespeende lam) is sodat al die lammers gelyk kan vreet, m.a.w. moenie selfvoerders gebruik nie, want dan gaan die lammers hulle aanvanklik oorvreet wat tot laminitis, suurpens en vrektes aanleiding kan gee en

(5) na die aanpassingsperiode (eerste 10 dae) moet die daaglikse hoeveelheid voer verkieslik drie maal (oggend, middag en laatnamiddag) per dag gevoer word.

Baie dieselfde groeirespons kan op hierdie wyse (veldafronding) as in 'n voerkraal behaal word en dit behoort meer koste-doeltreffend te wees.

Geskryf deur: dr. Jasper Coetzee, Tegniese Direkteur, Voermol Voere (jasperco@iafrica.com)

29 Augustus 2010