Jy is hier: Kundiges / Vra-vir-faffa / Weiding / Lusern / Drupbesproeiing-vir-lusern

Nuus

Ná jare se beplanning en maande se wag het die SKA-organisasie aangekondig dat Suid-Afrika en Australië dié teleskoop sal deel.

Lekkerlees

My Weer

Kaapstad

Saterdag
Kans op reën
Hoog:18 C
Laag:9 C

Sondag
Sonskyn
Hoog:20 C
Laag:7 C

Maandag
Sonskyn
Hoog:20 C
Laag:8 C

Sonsopkoms: 7:38

Sonsondergang: 17:46

Kaapstad

Bygewerk:	26 May 03:00 IDT
Temp:
Druk:
Doupunt:
Humiditeit:	82%
Wind:

Kaapstad

Peiling

Drupbesproeiing vir lusern

Ingestuur deur Gabriel Slabbert op 8 Maart, 2010 - 08:00

Vraag

Ek wil graag lusern plant onder drupbesproeiing, want my water is beperk. Ek het met 2 agente gepraat. Die een sê T-Tape is die beste en die ander een sê druppers met ’n soliede pyp (mikropyp). Sal die grond inval as ek T-Tape gebruik, want dit is die tweede agent se argument. My grond is baie lig, dis nie klei nie. Enige raad is welkom. Baie dankie.

Antwoord

Deur: FELIX REINDERS

Drupbesproeiing word beskou as die mees doeltreffende besproeiingstelsel, maar daar is bewys uit literatuur dat hierdie stelsel ook net so ondoeltreffend as enige ander stelsel kan wees as gevolg van swak waterkwaliteit en bestuur. Verstoppings van emitters is een van die ernstigste probleme wat met drupbesproeiing gepaard gaan en verskeie benaderings in die voorkoming van verstopping van emitters sluit in goeie filtrering, spoel van laterale en chemiese behandeling van die grond rondom die drupperlyne.

Lusern kan suksesvol met ondergrondse drupbesproeiing verbou word en dit is belangrik om die volgende in ag te neem:

· Grondtipe- kleileem en klei grond versprei die water lateraal beter as sanderige gronde.

· Tipe drupper- verskillende druppers se weerstand teen verstopping verskil.

· Wanddikte- dunwand sowel as dikband pype kan gebruik word.

· Spasiëring- grondtipe en koste bepaal dit grootliks.

· Filtrering- filtrering van die water is uitrers krities en verkieslik moet sandfiltrering gebruik word.

· Bestuur- drupbesproeiing vereis noukeurige bestuur.

· Ontwerp- dit is belangrik om ‘n goeie ontwerper te kry want drupbesproeiing is ‘n gespesialiseerde veld.

Navorsing het bewys dat die praktyk van ondergrondse drup met versigtigheid gedoen moet word en dat goeie bestuur en onderhoudspraktyke met chemiese behandeling van die grond rondom die drupperlyne uiters belangrik is.

Verdere leeswerk kan gedoen word in die volgende navorsingverslae wat beskikbaar is by die Water Navorsingskommissie (WNK):

1. “Sub-surface drip irrigation: Factors affecting the efficiency and maintenance.” FB Reinders, et al. WNK Verslag 1189/1/05

2. “Performance of surface drip irrigation systems under field conditions.” FH Koegelenberg, et al. WNK Verslag 1036/1/02

Hierdie en ander inligting oor drupbesproeiing kan ook by die LNR-Instituut vir Landbou Ingenieurswese verkry word.

Geskryf deur: Felix Reinders, Programbestuurder, LNR-Instituut vir Landbou Ingenieurswese (reindersf@arc.agric.za of 012 8424009)

1 Maart 2010