Jy is hier: Kundiges / Vra-vir-faffa / Weiding / Oulandsgras / Luserhooi-met-oulandsgras-vervang

Nuus

Ná jare se beplanning en maande se wag het die SKA-organisasie aangekondig dat Suid-Afrika en Australië dié teleskoop sal deel.

Lekkerlees

My Weer

Kaapstad

Saterdag
Kans op reën
Hoog:18 C
Laag:9 C

Sondag
Sonskyn
Hoog:20 C
Laag:7 C

Maandag
Sonskyn
Hoog:20 C
Laag:8 C

Sonsopkoms: 7:38

Sonsondergang: 17:46

Kaapstad

Bygewerk:	26 May 03:00 IDT
Temp:
Druk:
Doupunt:
Humiditeit:	82%
Wind:

Kaapstad

Peiling

Luserhooi met oulandsgras vervang

Ingestuur deur Onbekende besoeker op 20 Januarie, 2011 - 21:13

Vraag

Kan ek die lusernhooi met oulandsgras vervang in die resepte of moet ek 'n aanpassing in die proteїeninhoud aanbring?
Kan ek ook die SS200 vervang met Voermol se molassestroop en in watter hoeveelhede?

Antwoord

Deur: Dr. JASPER COETZEE

Lusernhooi kan met oulandsgras vervang word, maar dan moet die voerkraalrantsoen aangepas word deur ekstra proteïen in te sluit. Die samestelling van 'n Afrondingsrantsoen met lusern en een met oulandsgras sal as volg daar uitsien:

Grondstowwe	Afrondingsrantsoen 1	Afrondingsrantsoen
Gemaalde lusern (25 mm)	125 kg	−
Gemaalde oulandsgras (15 mm)	–	100 kg
Gemaalde mielies	550 kg	525 kg
Voermol Procon	100 kg	150 kg
Voermol SS 200	200 kg	200 kg
Voermol Melassemeel	40 kg	40 kg
TOTAAL	1 015 kg	1 015 kg

Wanneer die Afrondingsrantsoen gevoer word, moet die volgende bestuursaspekte stiptelik nagekom word:

(1) voer die lammers die eerste dag slegs 100 g/lam van die Afrondingsrantsoen;

(2) verhoog die voedingspeil van die Afrondingsrantsoen elke dag daarna met 100 g/lam, m.a.w. Dag 2: 200 g/lam; Dag 3: 300 g/lam, ensovoorts totdat 'n peil (ad lib.) bereik word waar hulle begin om van die voer te los;

(3) voer elke dag se hoeveelheid in twee porsies, die helfte in die oggend en die ander helfte laatnamiddag;

(4) voer ongemaalde lusernhooi eenkant ad lib. by vir die eerste 14 dae waarna dit gestaak word;

(5) sorg dat daar voldoende vreetspasie (± 250 tot 300 mm/lam) is sodat al die lammers gelyk kan vreet, m.a.w. moenie selfvoerders gebruik nie, want dan gaan die lammers hulle aanvanklik oorvreet wat tot laminitis, suurpens en vrektes aanleiding kan gee en

(6) na die aanpassingsperiode (eerste 10 dae) moet die daaglikse hoeveelheid voer verkieslik drie maal (oggend, middag en laatnamiddag) per dag gevoer word.

Melassestroop kan nie Voermol SS 200 vervang nie. Voermol SS 200 is 'n voerkraalkonsentraat wat die volgende voorsien: deurvloeiproteïen; oplosbare proteïen; ammoniumsoute om blaasstene te voorkom; ionofore en ander medikamente; spoorelemente en makro-minerale en vitamines. Melassestroop voorsien hoofsaaklik energie en dien as 'n bind- en smaakmiddel. Melassestroop kan met Voermol Melassemeel vervang word.

Geskryf deur: dr. Jasper Coetzee, Tegniese Cirekteur, Voermol Voere (jasperco@iafrica.com)

18 Januarie 2011