Jy is hier: Kundiges / Vra-vir-faffa / Wild / Voeding / Aangeplante-weiding-vir-wild-onder-spilpunt-mpumalanga

Nuus

Ná jare se beplanning en maande se wag het die SKA-organisasie aangekondig dat Suid-Afrika en Australië dié teleskoop sal deel.

Lekkerlees

My Weer

Kaapstad

Saterdag
Kans op reën
Hoog:18 C
Laag:9 C

Sondag
Sonskyn
Hoog:20 C
Laag:7 C

Maandag
Sonskyn
Hoog:20 C
Laag:8 C

Sonsopkoms: 7:38

Sonsondergang: 17:46

Kaapstad

Bygewerk:	26 May 03:00 IDT
Temp:
Druk:
Doupunt:
Humiditeit:	82%
Wind:

Kaapstad

Peiling

Aangeplante weiding vir wild onder spilpunt in Mpumalanga

Ingestuur deur Faffa op 31 Oktober, 2011 - 11:07

Vraag

Ek is tans besig om ‘n 45 ha spilpunt in die wildskamp op te sit waar ek graag aangeplante weiding vir wild wil vestig. Ons is in die Groblersdal, Marble Hall omgewing. Het u dalk vir my raad? Watter gras beveel u aan moet ek aanplant? Dankie vir u tyd, Kerneels Foord.

Antwoord

Deur: Prof. CHRIS DANNHAUSER

Antwoord:

Ek sou twee spesies aanbeveel, naamlik Bloubuffelsgras (Cenchrus ciliaris) en/of

Witbuffelsgras (Panicum maximum).

Bloubuffelsgras is die mees droogtebestande een van die twee en word meer algemeen, as witbuffel, in die Bosveld aangeplant. Dis ‘n baie goeie wei- sowel as hooigewas.
Witbuffelsgras is die smaaklikste van die twee en verkies meer vrugbare leem- en kleigrond. Sy smaaklikheid maak hom ‘n goeie staandehooi.

In alle gevalle sou ek enige weiding wat in ‘n wildskamp geplant word, wildwerend omhein, want die wild oorbewei dit in ‘n jong stadium en kan so ‘n nuwe aanplanting totaal verwoes. Kleiner oppervlaktes word soms met doringtakke toegepak vir beskerming.

Vraag: Baie dankie vir die terugvoering , dit word baie waardeer. Kan mens die 2 tipes saam plant? Dit word onder spilpunt geplant m.a.w. dit word ten alle tye besproei. Sal ook graag net u opine wil hoor oor hawer gemeng met grassoorte? Dink u dis ‘n goeie ding, of is dit beter om net op een spesifieke grassoort te besluit?

Dankie vir u mening oor die toespan van die gras, dit is deel van die plan, juis om te beskerm!

Antwoord: Ek sou nie Wit- en Bloubuffel meng nie. Die smaaklikheid verskil te veel.

Ek sou ook nie hawer met ander grassoorte meng nie. Wat ek wel suksesvol in ‘n mengsel gesien het, was hawer en Weiwieke. Dis ‘n eenjarige peulgewas, wat dan stikstof voorsien.

Geskryf deur: prof. Chris Dannhauser, weidingskundige (chriswei@vodamail.co.za)

30 Oktober 2011