Jy is hier: Kundiges / Vra-vir-faffa / Wild / Voeding / Muskeljaatkat-se-voeding

Nuus

Ná jare se beplanning en maande se wag het die SKA-organisasie aangekondig dat Suid-Afrika en Australië dié teleskoop sal deel.

Lekkerlees

My Weer

Kaapstad

Saterdag
Kans op reën
Hoog:18 C
Laag:9 C

Sondag
Sonskyn
Hoog:20 C
Laag:7 C

Maandag
Sonskyn
Hoog:20 C
Laag:8 C

Sonsopkoms: 7:38

Sonsondergang: 17:46

Kaapstad

Bygewerk:	26 May 03:00 IDT
Temp:
Druk:
Doupunt:
Humiditeit:	82%
Wind:

Kaapstad

Peiling

Muskeljaatkat se voeding

Ingestuur deur Onbekende besoeker op 13 Januarie, 2010 - 18:49

Vraag

Help my tog asseblief! Ek het 'n 2 maande oue muskeljaatkatjie wat ek moet versorg. Hy is al baie mak en drink tans "kitty milk", maar het 'n week gelede al 2 klein voёltjies geёet. Wat kan ek doen om hom sover te kry dat hy die melk moet los? Ek weet niks van hulle eetgewoontes nie, o hy het gisteraand 2 motte ook geёet!! Hy begin in die huis urineer (ruik baie sterk). Ek neem aan dat aangesien hy 'n boomkat is hy nie 'n sandkas gebruik soos mak huiskatte nie.

Antwoord

Deur: Dr. SUNELLE STRYDOM

Die volgende raad is ontvang vanaf veeartse op Wildlife Vetnet, ‘n besprekingsgroep vir veeartse, waar wildsveeartse mekaar raad vra en advies deel. Muskeljaatkatte kan op “kitty milk” grootgemaak word. In plaas van “kitty milk” kan mens ook gekonsentreerde of ingedampte melk gebruik wat mens verdun deur dieselfde hoeveelheid water by te voeg. Dit is belangrik dat mens met klein hoeveelhede begin. Begin deur ‘n spuit te gebruik om die verdunde ingedampte melk in te gee, en daarna kan ‘n baba troeteldierbottel gebruik word. Onthou dat in die natuur, die ma die klein katjie sou stimuleer aan die begin om te urineer en te ontlas en na voedings moet mens dus ‘n lou warm watte neem en die area onder die stertjie, asook die skede vryf.

Speenouderdom is op 6 tot 8 weke. Begin op 3.5 tot 4 weke ouderdom om stukkies hoender, lam, bees, vark of vis aan te bied waaroor Beefee poeier (Wet 36 Reg No. V8562, Bayer AH) gestrooi word. Mens kan dan ook probeer om geblikte katkos aan te bied en party katjies sal selfs later droë katkospille eet. Alhoewel party muskeljaatkatjies hou van katkos, wil ander egter niks daarvan weet nie. Baba muise kan ook aangebied word. Wanneer die katjie goed eet, kan hy drie keer ‘n dag vaste kos gegee word en net in die aand ’n bottel met ingedampte melk. Die melk kan dan stelselmatig meer en meer met water verdun word totdat net ‘n bottel met skoon water in die aand gegee word. Probeer dan om die bottel weg te neem. Indien die muskeljaatkatjie sukkel om aan te pas, kan ‘n leë bottel aangebied word vir ‘n tydperk. Daar kan ook probeer word om eerder die melk in ‘n bakkie aan te bied voordat daar met die bottel weggedoen word en die melk dan stelselmatig verdun word met water totdat net skoon water in die bakkie aangebied word.

Mannetjie muskeljaatkatjies sal hul eienaar asook die huis begin merk vanaf ongeveer 12 weke ouderdom.

Wat jou laaste stelling aan betref, muskeljaatkatte kan geleer word om sandbakke te gebruik. Die maklikste is om hul eers op koerantpapier te leer en dan oor te skakel na ‘n sandbak toe.

Geskryf deur: Dr Sunelle Strydom (BVSc)

Bronne:

Inligting verskaf deur: Drs. Katja Koeppe, Jhb Dieretuin en Louis Gous, Ballito Veeartshospitaal.

13 Januarie 2010