Land Bank-voorsitter bedank

Die Land Bank is wéér sy voorsitter kwyt. Ná vele mediaspekulasie het mnr. Themba Langa gistermiddag (Maandag) sy pos as direksievoorsitter verlaat.

Dit is die gevolg van me. Lulu Xingwana, Minister van Landbou en Grondsake, se konstante inmenging by Land Bank-sake het Langa aan Landbouweekblad gesê. Hy het vir sowat drie maande as voorsitter gedien.

Xingwana het Langa blykbaar versoek om die bank te verlaat. "Ek dink nie sy wil iemand (op die bank se bestuur) hê wat doeltreffend is nie," het Langa aan Landbouweekblad gesê.

Verskeie bronne het reeds gesê dat Xingwana geen vertroue in die bank se direksie toon nie. Na bewering het haar optrede ook daartoe gelei dat mnr. Joe Mthimunye, voorsitter van die direksie se ouditkomitee, bedank het.

8 Julie 2008