Aanhangers van Landbouweekblad se Facebook-blad kon nie uitgepraat raak oor die oulike tydskrif nie.
 
Donovan van Zyl Cordier skryf: “My vrou het al van die resepte probeer, en dit was 'n groot sukses gewees. Dankie Boerekos!”
 
Jakkie Steyn sê sy is dol daaroor! “Lekker baie resepte en ou gunstelinge! Ek bly nou in die stad en mis sommer die platteland!”
 
Die redakteur van Boerekos, me. Arina du Plessis, is vandeesweek by die Agri Megaweek by Bredasdorp waar lesers haar kan ontmoet, ‘n eksemplaar van die tydskrif kan aanskaf en sommer ‘n pasella koeksister daarmee saam kry!
 
Arina gaan ook verskeie kere op die ontbytprogram Expresso op SABC3 te siene wees waar sy van haar lekker resepte gaan voorberei.
 
Donderdag (13 September 2012) sal Arina haar heerlike speseryperskes met karamelsous en brosbrood voorberei. Op 21 September om gaan sy kykers wys hoe om 'n  heerlike, gebakte aartappel te maak en op 28 September is dit haar heerlike chakalaka-muffins se beurt! Dié insetsels sal almal tussen 06:00 en 07:00 op dié program vertoon word.
 
Landbouweekblad-lesers kan gerus inskakel vir hierdie insetsels en lekker saam met Arina kook!
 
* Boerekos is beskikbaar teen R40 by uitgesoekte takke van CNA, Pick n Pay, Shoprite Checkers, Spar en sekere kontantwinkels naby jou. Jy kan ook ’n e-pos stuur na lbw@media24.com of 021 406 4962 skakel om ‘n eksemplaar te bestel. Kyk hier na 'n kort agter-die-skerms-video oor Boerekos.