4 x 250 ml bruinbroodmeel
4 x 250 ml witbroodmeel
2 sakkies kitsgis
Handvol sout
80 ml olie
250 ml karringmelk (of louwarm beesmelk)
750 ml louwarm water
 

Amanda sê dít wat op die plaas beskikbaar is, word in die brood gebruik. As sy nie karringmelk het nie, gebruik sy lou-warm beesmelk. Soms sit sy sonneblomsaad en roosmaryn by. Soms olywe.

Sy meng en knie sommer alles in ’n groot, elektriese menger. Die deeg is geskik vir vetkoek, groot plaasbrood of ronde broodjies, soos op die foto op die vorige bladsy. Daarby bedien sy plaasbotter wat hulle sélf maak en haar tuisgemaakte appelkooskonfyt.

Meng die droë bestanddele in ’n groot bak. Meng die olie, karringmelk en water en voeg by. Maak aan tot ’n deeg en knie goed tot glad en elasties. Vorm brode en laat rys hoog. Voorverhit intussen die oond tot 180 °C en bak die brode vir sowat 40 minute (baktyd sal verskil na gelang van die grootte van die brood of brode).

Klik hier om meer te lees oor Amanda en haar man, Frans, se drywende plaasrestaurant.

16 Maart 20012