1 rol (400 g) oondgereed- skilferkorsdeeg
1 eier, geklits
100 ml uiemarmelade
1 x 125 g Brie
Vars gemaalde swartpeper
Vars salie of tiemieblaartjies

Voorverhit die oond tot 200 °C en spuit ’n bakplaat liggies met kleefwerende kossproei. Sit die bakplaat in die yskas. Rol die deeg effens dunner uit op ’n meelbestrooide oppervlak en sny vier dun repies teen die kante af.

Smeer die hele stuk deeg met geklitste eier en pak ’n rant reg rondom die blokdeeg met die repies. Verf dit ook met geklitste eier. Smeer die binnekant van die deeg met ’n laag uiemarmelade. Bak vir 10 minute.

Sny intussen die Brie in dun repe. Haal die tert uit die oond, pak die repe Brie eweredig oor die breedte van die tert en sit vir drie tot vier minute terug in die oond tot die Brie gesmelt is. Geur met swartpeper en sprinkel vars kruie oor. Sit dadelik voor. Lewer ses porsies.

17 Mei 2012