90 ml botter
15 ml koekmeel
190 ml volroommelk
5ml Dijon-mosterd
1 eiergeel
Knippie neutmuskaat
Sout en witpeper na smaak
12 snye witbrood
6 dik snye ham
250 ml gerasperde Gruyere-kaas

Smelt 15 ml van die botter in ’n kastrol en voeg die koekmeel by. Roer tot dit borrel en voeg die melk bietjie vir bietjie by terwyl aanhoudend geroer word. Verhit tot kookpunt en prut, terwyl jy roer, vir een minuut. Verwyder van die hitte en roer die mosterd, eiergeel en neutmuskaat by.

Geur na smaak met sout en witpeper. Laat heeltemal afkoel. Pak ses snye brood op ’n gesmeerde bakplaat. Sit ’n sny ham op elke sny, dan ’n groot lepel van die mosterdsous bo-op en sprinkel van die Gruyere op die sous.

Sit die ander snye brood bo-op. Smelt die orige botter in ’n pan en braai die broodjies daarin tot goudbruin en bros. Sny elke toebroodjie middeldeur en sit dadelik voor met ’n koue bier of ’n glas rooiwyn. Lewer ses porsies.

28 Mei 2012