Deeg
500 ml koekmeel
3 ml sout
25 g kitsgis
60 ml pitlose rosyne
30 ml suiker
1 eier
125 ml warm melk
60 g gesmelte botter
1 appel, geskil
Stroop
30 ml bruinsuiker
15 ml water
5 ml kaneel

Meng die meel, sout, kitsgis, rosyne en suiker. Klits die eier, warm melk en gesmelte botter saam en voeg by die droë bestanddele. Meng goed en bedek losweg. Laat rys op ’n warm plek tot dubbel in volume. Keer die deeg op ’n meelbestrooide oppervlak uit en knie liggies.

Vorm die deeg in ’n ovaal vorm. Sit op ’n gesmeerde bakplaat en druk skywe appel daarin. Verf met die suikerstroop en laat rys vir 30 minute. Bak vir 40-50 minute by 190 °C tot die brood goudbruin en deurgaar is. Laat effens afkoel en sit voor met botter of drup eers ’n slap versiersel, gemaak van versiersuiker en suurlemoensap, bo-oor. Lewer ses porsies.