30 ml olie
2 of 3 groot forelfilette, met vel
80 ml sojasous
2 knoffelhuisies, fyngedruk
5 cm vars gemmer, fyn gerasper
30 ml heuning
2 groot handevol baba-spinasieblare
Paar stingels grasuie, gesnipper

Verhit die olie in ’n groot swaarboompan en sit die vis met die velkant na onder in die warmpan. Braai aan die een kant tot die vel bros en die vis halfgaar is, maar moenie omdraai nie. Roer intussen die sojasous, knoffel, gemmer en heuning in ’n bakkie en giet oor die vis in die pan.

Verhit tot kookpunt en laat prut die vis in die sous tot die vis liggaar en die sous klewerig is. Sit die vis op ’n bed van spinasieblare voor en giet die orige pansouse bo-oor. Sprinkel die grasuie oor en sit dadelik voor met kapokaartappels. Lewer twee of drie porsies.