1 middelslag-botterskorsie of ’n halwe boerpampoen, in wiggies gesny
Sap en fyngerasperde skil van 1 klein lemoen
45 ml heuning
45 ml botter
Knippie kaneel

Voorverhit die oond tot 200 °C en voer ’n bakplaat met bakpapier uit. Pak die pampoenskywe op die voorbereide bakplaat. Verhit die lemoensap en -skil, heuning, botter en kaneel tot die botter gesmelt is en verf oor die pampoen.

Rooster vir ongeveer 45 minute, maar bedruip gereeld met die heuningsous en draai die pampoenskywe een of twee keer om. Wanneer die pampoen goudbruin en sag is, haal uit die oond en drup enige orige sous bo-oor. Sit warm voor. Lewer ses porsies.