2 uie, in wiggies gesny
30 ml olyfolie
3 knoffelhuisies, grof gesny
1 rooi brandrissie, gekap
5 ml gekapte, vars oreganum
6 gaar varkworsies, in stukkies gesny
12 gaar beesvleis-chippolatas
200 g kersietamaties
1 x 410 g blik gekapte tamaties
Sout, vars gemaalde swartpeper en suiker na smaak
Vars oreganum om af te rond

Voorverhit die oond tot 200 ÅãC. Sit die uiewiggies in ’n groot oondbak en sprinkel die olie oor. Oondrooster vir 15 minute, skud die pan nou en dan. Voeg die knoffel, rissie, oreganum en worsies by en oondrooster vir minstens 10 minute tot die worsies warm is en begin kleur kry.

Voeg die kersietamaties by en oondrooster vir nog 7-10 minute, tot die tamaties begin bars. Voeg nou die gekapte tamaties by en geur goed met sout, peper en ’n knippie suiker. Sit terug in die oond en rooster tot die tamatiesous borrel. Sprinkel vars oreganum oor en sit voor. Lewer vier tot ses porsies.