1 x 500 g spaghetti
Krummels
30 ml botter
45 ml olyfolie
6 ansjovisfilette, fyn gekap
5 knoffelhuisies, grof gekap
1/2 pak ontpitte calamata-olywe, gehalveer
500 ml vars broodkrummels
125 ml gekapte pietersielie
45 ml tiemieblaartjies, gekap
Ekstra olyfolie
Vars suurlemoensap
Gerasperde parmesaankaas

Kook die pasta in ’n groot pot vinnig kokende soutwater tot gaar, maar steeds ferm. Terwyl die pasta kook, verhit die botter en olie in ’n groot pan en braai die ansjovis en knoffel saam oor lae hitte tot die knoffel sag en gaar is. Voeg die olywe en broodkrummels by en braai tot die krummels bros is.

Verwyder van die hitte en roer die kruie by. Dreineer die pasta en bedruip met olyfolie en vars suurlemoensap. Skep die krummelmengsel bo-op en meng liggies deur. Sprinkel parmesaankaas oor en sit dadelik voor. Lewer 4-6 porsies. 

Wenke en variasies:
Vervang die ansjovis met ’n paar gesnipperde kappertjiesade (‘‘capers’’). • Voeg 1/2 pak gesnipperde, songedroogde tamaties in vinaigrette of ’n handvol grof gekapte pikantrissies (‘’peppadews’’) saam met die olywe by. • In die somer, vervang die tiemie met basielkruid.