1 x 500 g pak pasta van jou keuse
1 x 250 g spekvleis, gesnipper
1 x 250 g sampioene, gesnipper
1 x 200 g grasui-en-knoffel-roomkaas
250 ml volroommelk
500 ml rosatamaties
15 ml olie
2 knoffelhuisies, fyngedruk
250 ml gerasperde parmesaankaas

Kook die pasta in ’n groot pot soutwater tot gaar, maar steeds ferm. Terwyl die pasta kook, braai die spek in ’n droë pan tot gaar. Voeg die sampioene by en braai tot gaar. Verwyder van die hitte en roer die roomkaas by. Roer tot glad voor die melk bygeroer word.

Dreineer die pasta en meng met die sous. Braai die rosatamaties in ’n pan met ’n bietjie olie en knoffel tot die skille bars en skep die warm tamaties oor die pasta. Sprinkel gerasperde parmesaan oor en sit dadelik voor. Genoeg vir ses tot agt mense.