6 groot meel-tortillas
90 ml soetrissiesous
500 ml gaar maalvleis
10 pikantrissies (‘‘peppadews’’), fyn gesnipper
2 brandrissies, fyn gekap (met of sonder pitte)
180 ml gerasperde mozzarella
180 ml gerasperde cheddarkaas
Handvol vars roket of ’n paar skywe ryp avokado

Voorverhit die oond tot 220 °C en smeer ’n paar bakplate met ’n bietjie olie of bespuit met kleefwerende kossproei. Sit ’n tortilla op elke bakplaat en smeer elkeen met 15 ml soetrissiesous.

Verdeel die maalvleis tussen die tortillas en versprei egalig. Sprinkel die pikantrissies en brandrissies oor en laastens die twee soorte kaas. Bak vir 7-10 minute, tot die tortillas bros en die kaas gesmelt is. Haal uit die oond, sit ’n paar roketblare of skywe avokado op en sit dadelik voor. Lewer ses groot porsies.