Afgri-vloot verkoop

Die gelyste landboumaatskappy, Afgri, het sy vervoerafdeling, Afgri Logistics, aan die 4PL-groep verkoop. Dié transaksie het die 4PL-groep oornag in een van die grootste vervoeronderneming in die landbousektor verander.

Alle werknemers, bates en kontrakte is deur dié logistieke diensverskaffer in die transaksie verkry. Mnr. Brendan Pearson, uitvoerende direkteur van die 4PL-groep sê dié verkryging bring ’n nuwe groot rolspeler na die landbou.

’n Eksklusiewe, langtermyn-vervoerkontrak, is tussen Afgri en die diensverskaffer gesluit, luidens ’n persverklaring van die 4PL-groep.

Pearson sê vragmotors sal voortaan heeltyd gelaai wees op ’n retoerrit. “Kliënte wat minerale vervoer gaan voordeel trek (uit die transaksie) omdat landbouprodukte hoog in aanvraag is wanneer dit kom by die vul van leë skofte. Dit gaan tot groot besparings lei.”

1 April 2011