Danone kontrakteer uit aan Clover

Danone Suider-Afrika (Danone) het al sy groothandeldienste aan Clover Industries Beperk (Clover) uitgekontrakteer.

Luidens ’n verklaring sal 134 van Danone se groothandelaars na Clover oorgedra word onder dieselfde werkskontrakte en voorwaardes en Clover sal groothandelbedrywighede namens Danone voltooi.

Danone het Clover hiervoor gekontrakteer nadat ’n diepte-ontleding van die beskikbare verskaffers van groothandeldienste gedoen is, en ’n aanvanklike kontrak van twee jaar is onderteken.

Geleenthede vir al twee maatskappye

Mnr. Mario Reis, die hoof uitvoerende beampte van Danone, sê hulle is baie opgewonde oor die nuwe ooreenkoms en die kans wat dit hulle gaan bied:

“Hierdie ooreenkoms met Clover sal ons nasionale veldverkope-bedryf materialisties versterk en ons verspreidingspoor uitbrei, wat ons sal toelaat om sterker te groei.”

Reis sê nuwe werksgeleenthede is ook ontwikkel in hul verkoopsafdeling en sal van 1 Junie 2011 af beskikbaar wees.

Mnr. Johann Vorster, uitvoerende hoof van Clover, sê dié stap sal ook tot voordeel van verbruikers strek: “Clover is Suid-Afrika se grootste verspreider van verkoelde produkte en ons het ’n aansienlike hoeveelheid as gevolg van die hoë afleweringsverkwensie wat vars melk vereis. Clover het meer as 600 vragmotors wat elke vier dae by sowat 14 000 verspreidingspunte aflewer. Dit is gemiddeld agt kliënte per vragmotor per dag.” 

11 April 2011