Hoe lank bly Temik (two step-gif) giftig?
4 November, 2009 - 07:14
Die volgende vraag is op die gespreksforum gevra:
Eugene & Lesna (eugles10@telkomsa.net) skryf:
Ek wil nou ‘n baie snaakse vraag vra, maar ek is regtig op soek na raad en inligting. Hoe lank bly die gif Temik, ook in die misdaadwêreld bekend as “Two Step” giftig?
April-maand het hulle by ons probeer inbreek en het gif in die buurman se erf gegooi omdat hulle gedink het hy het ‘n hond, wat hy nie het nie. Hy gebruik net ‘n ou hondehok as ‘n stoorplekkie.
Hy het die sement waar hulle die gif gegooi het, afgewas met Jeyes Fluid, maar van dit moes seker in die gras beland het en van dit het dalk selfs ook op ons gras beland, want drie weke later het my arme kat van die gif ingekry en die wreedste dood gehad. Die buurman se seun het die naweek by hom gekuier en ook sy hondjie is dood na hy met sy balletjie op die gras gespeel het.
Ek het met my kat veaarts toe gejaag, maar sy is dood net ‘n paar sekondes na ek by die veearts aangekom het , die veearts kon niks vir haar gedoen het nie. Al die simptome wat sy deurgegaan het, dui daarop dat dit wel die gif was wat hulle tydens die inbraak gebruik het.
Ek het toe ‘n gifsentrum gebel om meer inligting te kry. Sy raad was dat as ons nie op daardie stadium reën kry nie, moet ek water vir ten minste vier ure lank laat loop op die gras waar ek vermoed die gif kan wees. Wat ek toe ook gedoen het. Ons het ook al ‘n hele paar kere die gras daar gesny.
Dis nou ses maande later en ek het nog steeds die vrees dat daar gif in die gras lê. Ek is so bang daarvoor dat ek nie wil hê my ander kat moet in ons agtererf uitgaan nie. Ek kan haar nie ook verloor nie, ek het nie kinders nie en sy is soos my kind. Ons reënseisoen het nou begin en dit het al ‘n bietjie gereën. Is dit moontlik dat as daar nog iewers gif lê, dit nog giftig en aktief kan wees?
Prof. Christo Botha, hoof van die departement Parakliniese Wetenskappe aan die fakulteit Veeartsenykunde op Onderstepoort, skryf:
Die raad wat gegee is om die area baie goed nat te spuit was goeie advies. Die gifstof (aldikarb) sal dan uit die granules vrygestel word en in die grond in loog. Troeteldiereienaars moet egter vir die aas soek (gewoonlik polonie, worsies of enige ander tipe vleiserige aas). Die aas moet dan opgeskep word met ‘n graaf en diep begrawe word, gooi kalk of soda-as op die aas om die afbraak te versnel. In die grond word die aldikarb afgebreek. Nadat dit in die grond toegedien is as ‘n plaagdoder vir plante verskaf dit slegs beskerming aan die plante vir ‘n periode van tot 12 weke.
Eugene en Lesna skryf:
Baie dankie vir die antwoord, ek voel nou sommer beter. Dit is nou ons reënseisoen, van Novb-Febr, en ons het nogal al baie reën gekry, so hopelik as daar nog van die korreltjies was, is dit nou onder die grond ingespoel. Daar was nie destyds vleis aas in ons erf gegooi nie, maar daar het wel ‘n leë sak op ons gras gelê. Ons vermoed dat die gif dalk daarin was wat hulle in die buurman langsaan se erf gegooi het. En dat van die korreltjies dalk agtergebly het in ons gras wat ons nie kon sien nie, want ek het my kat nie ver gekry van waar die sak gelê het nie.
Ons sal seker nooit weet hoe sy dit ingekry het nie, maar ek wil net nie weer ‘n herhaling daarvan hê met my ander kat nie.
4 November 2009
- 3722 keer gelees
27 April, 2012 - 21:10
#2
Baie goed ! Intresant !
Lewer kommentaar. (Jy hoef nie ingeteken te wees nie.)
Geborgde skakels
Daaglikse nuusbrief
Weeklikse nuusbrief
Teken In
E-pos forum
Gewildste stories
Alle regte voorbehou. © Landbou.com 2011. In Suid-Afrika gepubliseer deur Media24
Web Development by FormFunction
Baie dankie vir die advies oor Tamik. Ons 4 honde is in Mei 2010 vergiftig. So ook die bure en nog 5 ander gisinne se honde in die buurt. Na daaglikse was van al ons stoepe het ons in Julie weer 2 hondjies gekry. Al twee die honde is ook hierdie week,03-08-2010,dood. wat egter kommerwekkend is, is dat die jongste voorval sleg 4 tree van my agterdeur af, plaas gevind het en ons geen spoor van die oorsprong kan kry nie. Ons het egter 'n 1 jaar oue baba dogtertjie wat nou kruip. Ek sit met my hande in my hare. Nou sal sy vir die, ten minste volgende 6 weke binnens huis moet gehou word. My erf is 'n dubbel burgererf grote en 60% bestaan uit blombeddings en gras. Ek kan nie alles besproei nie, en van die vorige geval se hondjies is reg oor die erf gevind, so ons moet bid vir baie reën nou in Augustus. die stoepe sal ons moet aanhou was met Jeyes Fluid en baie water. Nogmals dankie vir die hoop dat die siklus verbreek kan word.