Plan vir bemarking van rooivleis
7 Julie, 2009 - 16:07
‘n Vrystaatse skaapboer het diep gaan nadink oor die bemarking van rooivleis: Hier is sy gedagtes.
As ‘n skaapboer wonder ek soms wat ons kan doen om die verbruiker meer bewus te maak van lamsvleis. Die groot supermarkte prys ons produk uit die mark uit. Ons as produsente weet dat as die verbruiker sy lam by die slagter gaan koop hy/sy goedkoper gaan betaal as om in pakkies by ‘n supermark te koop. Ek voel die uitdeel van pamflette by slaghuise en advertensies in die koerante is nie meer genoeg nie. Ek weet dat tv-advertensies te duur is daarom het ek aan die volgende plan gedink om lamsvleis effektief te bemark.
Veronderstel ons plaas groot advertensie borde met ‘n foto van ‘n gebraaide tjoppie of ‘n lamsboud op aan weerskante van die pad, tussen elke dorp op al die nasionale roetes in Suid Afrika. Op die bord plaas ons ‘n webadres bv. SA-lamb.com en onder die webadres die hartstigting se teken(hart met mes en vurk).
Die motoris sien die webadres bv. 20 keer van JHB tot in die Kaap. Ek reken die verbruiker van lamsvleis val in die middelklas en op. So ‘n persoon het ‘n motor, ‘n werk met internettoegang en reis ten minste een keer per jaar. Die doel van die bord is dus net om die verbruiker op die webwerf te kry. So ‘n bord gaan ‘n enorme impak he op iemand wat ry in die middel van die bv. die Karoo.
So ‘n bord kos natuurlik baie geld. Ek reken die RPO behoort so projek te dryf d.m.v. hulle streeksverteenwoordigers. Elke boerevereniging, onder leiding van die streeksverteenwoordiger, moet geld insamel om die borde te finansier.
Daar loop bv twee nasionale roetes deur dorp A. Dorp A moet dus 4 borde oprig. Op twee borde kan bv. staan geborg deur OVK en op ander twee geborg deur Voermol. So is almal betrokke, van die boer wat sy grond beskikbaar stel vir oprigting van borde, die insetverskaffers, die boerevereniging en die RPO.
Die webwerf is die maklikste en die goedkoopste deel van die plan. Op die webwerf vertel ons die verbruiker al die voordele van lamsvleis in ‘n dieet. Ons gee ook wenke oor hoe om reg te koop sodat dit bekostigbaar is (nie in pakkies by supermarkte nie). Die navorsing oor gesondheid wat jare terug gedoen is, kan beklemtoon word.
Hier kan ‘n slagter adverteer in ruil dat die webadres op sy slaghuis se deur moet verskyn. So kan daar in elke dorp of stad slagters wees met die webadres op hulle deure. Die verbruiker kan bv. registreer om elke week ‘n sms te ontvang van spesiale aanbiedings by slagters. Resturante soos bv Spur se ''icon'' kan op die webwerf wees, wat die besoeker instaat stel om te ''link'' na die Spur-webwerf. In ruil daarvoor moet ons webadres op Spur se spyskaart verskyn. Die idees op so ‘n webwerf is oneindig......
Daar is soveel wanpersepsies rondom rooivleis dat dit nodig is om die boodskap op ‘n meer aggressiewe manier te bemark. Die boodskap bestaan al jare, dit is net die manier waarop dit oorgedra word wat verouderd is.
Ek het probeer om ‘n webwerf te kry van die RPO, maar kon nie daarin slaag nie. As ek verkeerd is vra ek om verskoning, maar as ek reg is sê ek dit is ‘n skande dat my bedryfsorganisasie nie ‘n webwerf het nie.
Die beesboere kan ook deel wees van so ‘n projek. Reageer asb op die plan, miskien het ek die kat aan die stert beet!
Johann du Plessis (Smithfield)
7 Julie 2009
- 4066 keer gelees
10 Julie, 2009 - 16:48
#2
Hendri, dankie vir jou reaksie. Ek voel my plan bied reeds die geleendheid vir die verbruiker om vleis goedkoper te bekom. Die boer wat sy produk self in `n verwerkte vorm wil bemark se klante kan hom op die webwerf vind. Die lekker van die plan is die feit dat rooivleis adverteer word teen `n minimale koste.
10 Julie, 2009 - 17:31
#3
Johan ,dis 'n belangrike punt wat jy aanraak omtrent bemarking. Ek stem egter ook saam met Hendri se punt, maar bemarking is so belangrik dat ons nie kan verwag om die hoë grond te beset as jy jouself in 'n kas toesluit nie. Ons boere het nog bowendien die beste produk van alle produkte in die wêreld om te bemark, synde kos, maar die ander ouens gryp die gat wat ons laat en die derde hond loop weg met die been.
15 Julie, 2009 - 22:30
#4
Ek is op die oomblik betrokke by bemarking en sal julle graag help in verband met die advertensie se konsep, boodskap en visuele aspek. Ek sal ook kan help met die beste raad vir kentekens. Epos my asseblef as julle belangstel by karlien@thepromo.co.za
Groete, Karlien
16 Mei, 2010 - 15:41
#5
Dagse Janbez, Ek en my seun soek al maande lank na plaasboer wat direk will vleis in grootmaat verkoop, glo my dit is bitter moeilik om sulke voorsieners te vind, ek was jare gelede in die vleis sae bedryf en weet ten minste een uit drie huishoudings besit sae en meulens, as daar boere is wat ernstig hieroor voel kan hulle my kontak om as fasiliteerder op te tree en `n begin vir so `n werkwyse van stapel te stuur. ek en my seun sal self as grootmaat verspreider wil optree. Ons will nie ryk word nie ons wil net self ons leefwyse verbeter en aan veral middel klas soos onself en minder gegoede mense bekostigbare vleis en ander plaas produkte lewer.
Ons is ernstig,
WANNEER KAN ONS HIERDIE DROOM IN AKSIE STEL
HERBERT EN ELFIE
17 Mei, 2010 - 06:51
#6
Herbert, Ek dink jy moet adverteer (in Landbouweekblad) en jou kontakbesonderhede hier verskaf.
Jan Bez
1 November, 2010 - 12:06
#7
Briljante idee! Johann jou plan moet so gou moonylik in werking gestel word.
1 Mei, 2012 - 18:35
#8
Johann Du Plessis kan jy my asseblief mail ek loop met n gedagte in die kop wat ek dink nogal sal werk,die middel man kan 100% uitgeskakel word.
Lewer kommentaar. (Jy hoef nie ingeteken te wees nie.)
Geborgde skakels
Daaglikse nuusbrief
Weeklikse nuusbrief
Teken In
E-pos forum
Gewildste stories
Alle regte voorbehou. © Landbou.com 2011. In Suid-Afrika gepubliseer deur Media24
Web Development by FormFunction
Hi Johann, dit wat jy sê maak sin en kan moontlik werk, maar die grootste probleem soos wat jy self genoem het is die prys wat die verbruiker moet betaal vir die produk.
Dit is belaglik om te dink wat die boer kry en wat die verbruiker daarvoor moet betaal.
Daar moet 'n manier wees om die middelman se arms korter te sny en die produk direk van die plaas na die verbruiker te neem.
Almal soek vleis en op die staduim koop almal volgens R/Kg, maak nie saak of dit vark, hoender, bees of skaap is nie, die goedkoopste prys wen.
Ek weet daar is gesondheidsrisiko's en al die lekker dinge wat daarmee saam gaan, maar weet ook dat dit belaglik is om te sien hoe mense nie vleis kan bekostig nie.
Sterkte
Hendri (WP)