Voerkraal vir kalwers

Wessel skryf op die gespreksforum:
Beste mengsel wat ek mee ondervinding het :
650 kg Chop
200 kg SB100
150 kg Goeie kwaliteit ruvoer gemaal en ingemeng Eerste 30 dae 50 kg procon 33 .
So pas klomp kalwers gevoer GDT 1,8kg sonder enige implantaat (Stoetbulle) .
Koste van rantsoen ongeveer R1850/t afhangende van chop prys .
Groete
Wessel

Adele Rothman skryf op die gesprekforum:

As jy alles wil self meng en dalk 'n bietjie goedkoper wil wegkom, kan jy die volgende rantsoene gee. Onthou om die kalwers eers aan te pas op die rantsoen. Voer die aanpassingsrantsoen ad lib aan die begin maar gee ruvoer ook ad lib vir die eerste 7 dae. Verwyder dan die ad lib ruvoer en gee net die aanpassingsrantsoen vir 14 dae. Slaan dan oor na die groeirantsoen op dag 21 en gee vir die laaste 30 dae in die voerkraal die afrondrantsoen. Jy sal sien die verskil tussen die 3 rantsoene is die hoeveelheid ruvoer. Jy kan so laag daal as 5% ruvoer maar dan moet jou bestuur baie goed wees. Die bees se rumen moet baie goed aangepas wees. Hou die mis dop - as die mis te pap is, vermeerder die ruvoer en as die beeste se mis te styf is, verminder die ruvoer.

Meng eers jou eie HPK 85:
Katoensaadoliekoek 500 kg (jy kan ook sonneblomoliekoek,
HPK 36 van Voermol of Multimix 40 van Meadow Voere gebruik - bel my as jy soja-oliekoek wil gebruik, dan herformuleer ek die HPK 85 vir jou)
Voergraad ureum 350 kg
Kimtrafos 12 150 kg
Voergraad Swael 25 kg
Voerkalk 300 kg
Sout 75 kg
Ionofoor (groeibevorderaar - volg asb die vervaardiger se aanbeveling.
Skakel bv. Elanco by 011 510 9309)
Totaal 1400 kg

Meng dan 50 kg van bogenoemde HPK 85 met die volgende rantsoene:

AANPASSINGSRANTOEN
Mielies 700 kg
Ruvoer 200 kg (bv veldgrashooi)
HPK 85 50 kg
Kalori 3000 50 kg
Totaal 1000 kg

GROEIRANTSOEN
Mielies 750 kg
Ruvoer 150 kg (bv veldgrashooi)
HPK 85 50 kg
Kalori 3000 50 kg
Totaal 1000 kg

AFRONDRANTSOEN
Mielies 800 kg
Ruvoer 100 kg (bv veldgrashooi)
HPK 85 50 kg
Kalori 3000 50 kg
Totaal 1000 kg

Hou die volgende in gedagte:
* Meng die rantsoene baie deeglik
* Mielies kan gedeeltelik met kleingrane vervang word
* Veldgrashooi kan met ander ruvoere, bv. Koringstrooi, hawerhooi
en mieliereste vervang word
* 20 - 30 liter water kan by bogenoemde rantsoene gevoeg word om
stowwerigheid te verminder
* Vir die afronding van jong, groeiende kalwers kan 50 kg
katoensaadoliekoek bykomend by bogendoemde rantsoene gevoeg word

Geskryf deur Adele Rothmann, Dierevoedingkundige - KK Animal Nutrition
arothmann@kkan.com

27 Oktober 2009

Ons doen huidiglik toetse in die Darling omgewing waar ons EM Semels (1-5%) saam met hul voer meng, reeds voor hul gespeen is. Ons het gevind (soos ook oorsese toetse bewys het), dat die kallers in 'n better kondisie as die kontrole is, binne 'n maand 2kg meer gewig opgetel as kontrole weens beter vertering en beter opname van vitamine en minerale. Die EM (Effective Microbes) in die semels, word patogene in die maag dood gemaak, wat ook beter mis teweeg bring en vinniger afbreek, en dis ook 'n vermindering in vliee.
Vir meer inligting skakel Vernon by 071 670 2220.

Ek het self 'n voerkraal en voer nou vir die laaste 10 maande die mengsel soos deur Wessel voorgestel. Ek is nie 'n kundige op die gebied nie, maar ek sit net 150kg SB 100 in die mengsel en 25 kg procon regdeur die 110 dae voertydperk. Wessel, as ek mag vra, hoekom sit jy 4 sakke SB 100 in? Ek is net versigtig vir te veel proteiene saam met die Procon 33 en mag dit die mage te slap maak. Wat is jou ondervinding daarmee?
Riaan

Jy het nou goeie raad op voer gekry, wat nou baie belangrik is dat jy die regte beeste aankoop vir jou voerkraal bv met beste vov ens. Rasse wat jou baie geld in die sak sal bring is Beefmaste, Bonsmara en 'n baie groot winsmaker die Drakensberger. Sterkte

Verstaan ek reg dat dit beter is om Bul kalwers te koop eerder as Verse.

If your objective is to put weight onto your weaners why not put them onto good veld / pasture and feed them a kg of cotton oil seed cake every second day? I find that this can result in a gain of 1kg a dag at little effort, and reasonable cost. I have never tried to add more than 60kg though.

AS iemand my kan raad gee ek begin maar nou eers met n paar kalwers wat ek op kraal sit wat moet ek hulle spuit.

Jy kan jou eie geproduseerde natuurlike Hidroponiese Hawer aan jou voerkraal beeste gee teen ‘n koste van R0.22 per Kg oftewel R220 per ton + gebaalde gras. Niks anders is nodig nie en die gemiddelde gewigstoename per dag is 3Kg. Die karkasse kan organies gesertifiseer word en die kwaliteit daarvan is uitstekend.

Ek is op soek na boere wat met osse boer, het n paar vrae wat ek wil vra, ek verwys na Werner Vermeulen se skrywe LBW 1711 8 Jul 2011

Hi
Ek voer tans ook so'wat 50 kalwers in n klein voerkraal op my plot en het gevind dat 750kg (chop)
200kg SB100 Voermol en 50KG HPK63 and it works wonders for me.

Voerkraal vs Ooie met lammers?
Watter een is die beste van die twee ? Bestuursgewys en finansieel ?
Beginner jong boer - met wat kan ek begin ???

Ek wil graag losmaat mielies koop, die graansilo's wil nie meer help nie.
Ek is in Heidelberg TVL omgewing.
Waar kan ek kry en wat is dit per ton?
Dankie

Ek is tans betrokke by n proef waarin ons in kombinasie met Fodder Solutions Africa die water kwaliteit verbeter in n voerkraal omgewing. Op die huidige is ek aangenaam verras met die resultate teen n baie bekostigbare prys. Kontak gerus vir enige navrae @ frik@waterenrichment.co

Goeie dag. eks n jong boer wat graag in die bees voer kraal boerdery wil begin. my ouers is tamatie en mielie boere dus weet ek minimal van voer krale. ekt begin met mense praat oor veskillende maniere en ouderdome wat werk. ek wil weet is dit n goeie idea om bul kalfers op twee weke by mense op te kom en dan met die bottel te voer vir twee mande en dan n verdere twee maande op die plaas te laat loop en vet word en dan hulle te verkoop aan ander boere teen 200kg plus minus. enigei advies op of daar enige wins is. ek wil ook nie groot skaal nie. omtrent 40 kalwers op n slag.

waar kry ek geld om te begin met n voerkraal