Minder trekkers verkoop

Trekkerverkope van 443 eenhede in Julie is byna 23% laer as die 573 eenhede wat verlede Julie verkoop is, sê mnr. Charles Van Niekerk, voorsitter van die SA Landboumasjinerie-assosiasie.

Soos genoem in die Junie-nuusverklaring oor verkope van landboumasjinerie, word uitvoerverkope nou uitgesluit van verkope waaroor verslag gedoen word. Dit beteken dat verkope waaroor nou verslag gedoen word nét toerusting insluit as dit in Suid-Afrika of lande in die Suid-Afrikaanse Doeane-unie verkoop is.

Trekkerverkope van 443 eenhede in Julie is byna 23% laer as die 573 eenhede wat verlede Julie verkoop is. Vir die jaar tot dusver is trekkerverkope byna 14% laer as wat dit vir die ooreenstemmende tyd verlede jaar was. Stroperverkope vir die jaar tot dusver is byna 24% laer as wat dit verlede jaar was. Balerverkope vir die jaar tot dusver is byna 12% laer as vir dieselfde tydperk verlede jaar.

Die laer verkope weerspieël die kleiner mielie-oes vir vanjaar. Sekere boere oes nog mielies en die meeste boere hoef eers in Augustus of September besluite te neem oor aankope vir die komende somergewasseisoen. Vooruitsigte vir die res van die jaar lyk nietemin bemoedigend in die lig van heersende goeie mieliepryse en die behoefte om vanjaar meer mielies, veral geelmielies, aan te plant.

6 Augustus 2007