MPO hou oog op VSA

Agri Inspec, die Melkprodusente-organisasie (MPO) se inspektoraat, sal teen die invoer van gesubsidieerde melk van Amerika waak ná die herinstelling van dié land se suiweluitvoer-aansporingskema, sê mnr. Bertus de Jongh, hoof uitvoerende beampte van die MPO. "Dit is jammer dat die groot moondhede bereid is om ander lande se ekonomieë skade te berokken in 'n poging om hul eie ekonomieë te red," sê hy.

Dié soort aansporingskemas wat in die Europese Unie en Amerika ingestel is, word ook met die Departement van Landbou, Bosbou en Visserye en die Kommissie vir Internasionale Handelsadministrasie bespreek.

"Melkboere kan verseker wees dat die MPO alles binne sy vermoë sal doen om te keer dat dié produkte nie ongestraf in Suid-Afrika sal land nie. Die MPO sal ook nie huiwer om aansoek te doen om kontrakregte op gesubsidieerde invoer nie."

27 Mei 2009