’n Skaapboer van Kroonstad het glo sy plaas weens sy skuldlas by ’n plaaslike bank verlaat en ’n bestuurder agterlaat om na net minder as 5 000 skape om te sien.
Mnr.
Danie Thomas, van die plaas Canada, se regsverteenwoordiger het glo verlede maand ’n brief aan Standard Bank gestuur om aan te dui dat hy sy boerdery sal opgee en verkoop om sy skuld te delg.
Luidens ’n
berig in
Volksblad het Thomas gevra dat as die eiendom se verkope nie sy skuld van sowat R10 miljoen delg nie, die bank die res moet afskryf. Hy het glo reeds ’n aanbod van sowat R8 miljoen vir sy plase gekry.
Dié stap het gevolg ná mnr. Jaco van der Merwe, die plaaslike bankbestuurder, in Februarie vanjaar met Thomas begin onderhandel het omdat die bank ontevrede was oor hoe Thomas sy rekeninge bestuur het.
HofIntussen het die Vrystaatse Hooggeregshof beveel dat die balju op al Thomas se roerende bates beslag mag lê om sy skuld te probeer delg. Hy het voerkrale op sy plase Canada, Morningstar en St. Lawrence bedryf.
Volgens ’n hofverklaring het Thomas die bank R7,3 miljoen vir ’n lening geskuld asook R3,6 miljoen vir sy besigheidsrekening.
Thomas het glo na Pretoria verhuis en mnr. JP Grobler as plaasbestuurder agtergelaat. Van die skape word geskeer en die wol word daagliks verwyder, maar Grobler sê hy weet nie waarheen die bale geneem word nie. Die bank sal nou mense aanstel om die skape te versorg.
Bron:
Volksblad
