Prysverlagings aan melkboere veroorsaak
nie net in Suid-Afrika probleme nie, maar ook in Brittanje. Melkboere in dié land beoog om ’n vreemdsame optog te hou om daarop aan te dring dat
melkprysverlagings wat op 1 Augustus vanjaar sal inskop, heroorweeg word.
Luidens ’n berig op Mail Online sal die verlagings daartoe lei dat verskeie melkboere sowat 25 pennies per liter melk verdien, terwyl dit sowat 30 pennies kos om ’n liter te vervaardig.
Mnr.
Jim Paice, Brittanje se landbouminister, het Dinsdag (10 Julie 2012) in ’n radio-onderhoud gesê dat hy die protes-aksie deur die boere steun, hoewel hy nie militante aksies goedkeur nie. Hy meen dat die prysverlagings die bedryf kan verlam en dat dit melkboere kan dwing om die bedryf te verlaat.
MinisterPaice is ook uitgejou omdat hy nie in die onderhoud kon sê hoeveel ’n liter melk tans in supermarkte kos nie. Hy kon wel aandui dat sy gesin melk koop by ’n supermark wat ’n hoër prys as sommige groot groepe aan boere betaal. “Nee, my vrou koop dit (melk) die meeste. Maar ek het vasgestel waar dit vandaan kom.”
Die minister het wel opgemerk dat probleme binne die mark bestaan. “As jy sien dat die prys van ’n bottel water baie duurder is as dié van ’n liter melk is, dan is daar duidelik iets verkeerd met die mark.”
Paice sal later dié week aan ’n suiwelberaad in die land deelneem.
Bron:
Mail Online
