Dr. Steven Cornelius, hoof uitvoerende beampte, het op navraag van
Landbou.com gesê die verslag wat deur
prof. Leon Prozesky, ’n patoloog verbonde aan die Universiteit van Pretoria, saamgestel is, is weens onder meer dié rede nie openbaar gemaak nie.
Cornelius het gereageer op ’n mediaverklaring wat deur die Demokratiese Alliansie (DA) uitgereik is waarin vrae gevra word oor die Departement van Landbou, Bosbou en Visserye se stilswye ten opsigte van die verslag. Hy sê hulle het die verslag aangevra, en dit is aan boere gelek.
UitgelaatVolgens Cornelius het die verslag nie die inligting van die registrasiedossier bevat nie. Verder is die streng gehaltebestuur waaraan alle
OBP-produkte blootgestel word en die streng beheer van die koueketting om entstof in die regte toestand by die verbruiker te kry, ook uitgelaat.
“Prof. Prozesky is nie ’n viroloog nie, maar ’n patoloog en het hoofsaaklik op dit wat op plase gebeur het gefokus,” aldus Cornelius.
ViroloogVolgens Cornelius het hulle in reaksie op dié verslag ’n internasionale viroloog om sy mening gevra. Dié spesialis het aangedui dat:
-
Slenkdalkoors-uitbrekings elke 5 tot 15 jaar voorkom en boere geneig is om nie hulle diere in te ent nie, wat tot lae immuniteit lei.
- Sodra ’n uitbreking voorkom, ent boere haastig hul diere in, maar immuniteit sal eers ’n week tot twee weke later voorkom, en die volle potensiaal drie weke later bereik.
- Baie diere word met een naald ingeënt, wat beteken dat die virus versprei word.
Cornelius sê hulle is bewus van bewerings dat sommige veeartse wat
die entstof by die OBP gekoop het, dit verdun het en dit dan in hul eie verpakking aan boere verkoop het. Hy sê dié bewerings kan nie bevestig word nie, maar volgens ’n verklaring keur die departement dit ten sterkste af en waarsku oortreders dat streng teen hulle opgetree sal word.
Brusellose Intussen sê Cornelius die
brusellose-entstof waaroor die DA hulle ook gekritiseer het, is nie hul entstof nie. Hy sê die aanvanklike klagte wat ontvang is oor ondoeltreffende entsof wat dié siekte betref, was vir RB51. OBP verkoop glo nie dié entstof nie.
Die DA ondersoek die doeltreffendheid van entstowwe die afgelope paar maande en klagtes is reeds by die Verbruikerskommissie ingedien om die situasie te ondersoek.
Landbou.com wag tans op terugvoering van Prozesky oor die beweringe.
