Boere kan vrae oor grondkunde voortaan aan 'n paneel kenners indien en die antwoorde op Landbou.com lees.

Die voorstel om só n afdeling op die webwerf te skep, kom van dr. Eduard Hoffman, hoof van die departement grondkunde aan die Universiteit van Stellenbsoch.

Hoffman was beïndruk met die Vra vir Faffa-reeks op Landbou.com en het Chris Burgess, hoofredakteur: landboutitels in die LBW-stal daaroor genader. Die besluit is geneem om met die projek te begin en die maatskappy Farmsecure is as borg vir die nuwe afdeling, Grond Guru, betrek.

Farmsecure is 'n jong maatskappy en bied 'n unieke eenstop-landboudiens aan, soos uit sy leuse blyk: “Van plaas tot op die rak”.  Dié maatskappy is in 2004 gestig en ervaar ongekende groei. Tans is meer as 4 700 mense in diens.

Boere en belangstellendes kan hul vrae oor grondkunde op die webwerf stel en kan binne 'n redelik tyd 'n antwoord op die webwerf verwag. Hoffman en grondkundiges by die Universiteit Stellenbosch sal van die vrae beantwoord.  'n Span grondkundiges van Farmsecure sal ook'‘n belangrike bydrae lewer om vrae te beantwoord.

Kyk hieronder na 'n video oor die Grond Guru.