Hoendervleis is sterk op pad om die plek van beesvleis in die mark oor te neem, waarsku 'n bestuurder van 'n kettingwinkelgroep.

Mnr. George Ferreira, vleisbestuurder van die Spar-groep, het op die Vrystaatse RPO-kongres inligting van ses maande gelede gebruik om te wys hoe verbruikers in die laer tot middel-inkomstegroep vleis koop.

Die meeste koop hoender- (40%) en beesvleis (40%), daarna volg aankope van vark- (15%) en lamsvleis (5%). Hoender is egter vinnig besig om bees verby te steek, as dit nie reeds het nie, sê hy.

Hoendervleis is per kilogram inderwaarheid heelwat duurder as beesvleis as die bene proporsioneel tot die gewig in berekening gebring word. "Maar hoenderboere het gewen deur na die huisvrou te gaan luister. Hoender neem die mark oor," het Ferreira gesê.

Lees meer in Landbouweekblad se uitgawe van 19 Junie 2009.

15 Junie 2009