Dit is die bevindinge van ’n gespesialiseerde veediefstalkomitee wat in die provinsie aangestel is om veediefstal te bekamp. Dié komitee het in ’n verslag wat vandeesweek bekend gestel is aangedui dat sowat 4 000 beeste in die eerste drie maande van vanjaar in die provinsie gesteel is.

Boere in die suide van KwaZulu-Natal, wat aan Lesotho grens, het soos boere in die Oos-Vrystaat, aangedui dat veediefstal hande uitruk. Die verslag identifiseer vyf dele wat veral onder diefstal gebuk gaan – Ladysmith, Bulwer, Utrecht, Ezakheni en Bergville, berig IOL.

Hierdie gebiede word beskryf as van Suid-Afrikas se tien streke wat die meeste onder veediefstal deurloop. Volgens die verslag sukkel veral opkomende boere om hul boerdery aan die gang te hou en dié verliese te absorbeer.

’n Taakspan met die naam Projek Izinkomo is aangestel om veediefstel in die vyf geïdentifiseerde gebiede hok te slaan.

Bron: IOL