Die
Land Bank is baie opgewonde om deel te wees van die
Lenteskou. Hy is vanjaar die skou se grootste bankborg.
Die bank vier op 1 Oktober 2012 sy 100ste bestaansjaar. Mnr. Musa Mchunu, hoof van bemarking en korporatiewe sake, sê die skou se teikengehoor pas presies by die mense wat die bank wil bereik.
“Ons is baie opgewonde om deel te wees van die nuwe Lenteskou. Die landboufokus van die skou skep vir ons ’n ideale geleentheid om ons spesiale verjaarsdag te vier, terwyl ons met huidige en potensiële kliënte kan skakel en jong voornemende en opkomende boere kan ontmoet,” sê Mchunu.
TrotsLuidens ’n verklaring is die
Lenteskou baie trots op die vennootskap met die bank. Mnr.
Robert Walker, direkteur van die skou, sê hulle glo dat die vennootskap in die toekoms kan groei.
“Die Land Bank was nog altyd ’n voorloper tot baie historiese gebeurtenisse wat nie net die kern gevorm het van Suid-Afrika se sosiaal-ekonomiese en politieke geskiedenis soos dit vandag is nie, maar ook tot die ontwikkeling van die landbousektor die afgelope eeu.”
Die skou word van 1 tot 6 September 2012 by die
Tshwane Events Center aangebied. Dit was vroeër bekend as die Pretoria-skou, maar word van vanjaar af herposisioneer as ’n landbouskou.
