Die Melkprodusenteorganisasie (MPO) doen tans grootskaalse introspeksie. Die doel is om vas te stel of boere se belange steeds die MPO se eerste voorrangsaak is.
"Elke organisasie moet homself van tyd tot tyd evalueer," het mnr. Mike Black, voorsitter van die MPO in KwaZulu-Natal, oor dié aksie gesê. Dié provinsie se tak het verlede jaar Junie reeds sy strategiese doen en late laat hersien.
"Ons wou uitvind wat die organisasie nie doen nie wat hy behoort te doen. Ook wat die MPO doen wat hy nie eintlik behoort te doen nie." Ná die ondersoek is daar besluit dat die nasionale MPO ook hersien behoort te word. 'n Konsultasieonderneming, die Turnaround Group, is aanvanklik aangestel om die KwaZulu-Natalse organisasie se oorsig te behartig en doen nou ook die nasionale een.
"Dit is gesond dat iemand van buite af na die organisasie kyk," het mnr. Etienne Terre?Blanche, besturende direkteur van die nasionale MPO, gesê. Hy is ten gunste van die ondersoek. "As boere meen dat daar nuwe rigting nodig is, gaan dit groot struktuurveranderinge teweeg bring."
Lees die volledige artikel in Landbouweekblad se uitgawe van 16 Januarie 2009.
9 Januarie 2009
