|
|
|
| Bygewerk: | 26 May 09:00 IDT |
| Temp: | |
| Druk: | |
| Doupunt: | |
| Humiditeit: | 88% |
| Wind: |
’n Boervrou van die distrik Tweeling het Dinsdag daarin geslaag om ’n aanvaller af te weer deur verwoed terug te baklei teen sy poging om haar te verkrag. Mev. Linda van Zyl het volgens 'n berig in Volksblad dié halfkaal man glo om 06:40 in haar plaashuis teëgekom.
Van Zyl se man, Nick, het pas die plaashuis verlaat. Die man het haar probeer verkrag, maar Van Zyl het haar teëgesit. ’n Woeste gestoei het gevolg en Van Zyl het haar rewolwer in die hande gekry en op die man probeer skiet.
Die wapen wou egter nie afgaan nie. Die aanvaller het die wapen gegryp en ook probeer skiet, maar dit wou weer nie afgaan nie. Die man het sy pogings om Van Zyl te verkrag gestaak nadat sy vir hom gesê het sy gaan vir hom bid.
Hy het daarna op sy fiets geklim en van die plaashuis af gevlug. Die boere se veiligheidsplan is in werking gestel en die verdagte is ’n uur later aangekeer.
Bron: Volksblad
23 Maart 2011
Alle regte voorbehou. © Landbou.com 2011. In Suid-Afrika gepubliseer deur Media24
Kommentaar
Dankie Jesus dat jy die vrou beskerm het. Beskerm so ook asseblief al die ander mense in ons land. Werk ook in die harte van hulle wat wil seer maak.
Mooi my king Mooi!
alle Eer kom God Toe Hy het Sy Hand van Liefde oor daardie vrou gehad, Sy het Sy Naam Geroep en God Het Geluister Dankie Liewe Heer.......
Sò moet dit mos gedoen word!!
Ek admireer daardie boervrou dat sy so kon kalm bly. Al die eer kom haar toe.
Lewer kommentaar. (Jy hoef nie ingeteken te wees nie.)