Afrika kan wêreld help

Afrika kan ’n bydrae lewer tot die herstel van die internasionale ekonomie met die beleggingspotensiaal wat hy het.

Dít is luidens die jaarverslag van die die Wêreld Ekonomiese Forum se Afrika-vorderingskomitee op die Afrikaberaad in Kaapstad. Die potensiaal vir belegging in die ware ekonomie van Afrika lê in die landbou, hernubare energie en die telekommunikasiebedryf.

Volgens die verslag “An Agenda for Progress at a time of Global Crisis” sal belegging in dié sektore nie net werk op die vasteland verskaf nie, maar ook markte vir ontwikkelde lande open. Daar word gemeen dat Afrika ’n waardevolle groeiplatform vir die internasionale ekonomie kan wees.

Dié vasteland kan ’n pionier vir skoon ontwikkelingsmodelle wees wat kan bydra tot die wêreldwye pogings om klimaatsverandering te bestuur.

Lees meer in Landbouweekblad se uitgawe van 26 Junie 2009.

19 Junie 2009