Agri-besighede ‘vrees vervolging’
Sinvoller maniere as swaar boetes bestaan om onmededingende gedrag ’n nekslag toe te dien, sê mnr. Schalk Pienaar, nuwe voorsitter van die Landboubesigheidskamer (LBK) en uitvoerende hoof van die agri-maatskappy, Suidwes.
Die vrees vir vervolging waarmee landbou-ondernemings deesdae elke saketransaksie aanpak, was nooit die bedoeling van die Wet op Mededinging (Wet 89 van 1998) nie, sê hy.
Pienaar sê die Mededingingskommissie se swaar boetes en die indruk dat vervolging amper obsessief nagejaag word, laat die vraag ontstaan of Suid-Afrika se ondernemings kan groei en presteer omdat elke transaksie met buitengewone omsigtigheid gehanteer word.
Vervolging is beperkend
“Die Mededingingskommissie se vervolging is verstaanbaar, maar dit is beperkend – daar moet ook steun wees om Suid-Afrika te help groei en om ’n gerekende belanghebbende in ekonomiese groeperings in die internasionale markte te word,” het Pienaar gesê.
Om dié rede dink hy die kommissie se belangrikste rol behoort dié van bemiddelaar of koördineerder te wees. “Sommige maatskappye het wel in die verlede onmededingend opgetree. Om dié rede is mededingingsbeleid nodig. Dit is egter te debatteer of die vlakke van boetes aanvaarbaar is.”
Pienaar hoop die kommissie en belanghebbendes, soos Agri SA, die LBK en die Nasionale Landboubemarkingsraad, kan saam na die saak kyk.
28 Junie 2010
- 1929 keer gelees
Geborgde skakels
Daaglikse nuusbrief
Weeklikse nuusbrief
Teken In
E-pos forum
Gewildste stories
Alle regte voorbehou. © Landbou.com 2011. In Suid-Afrika gepubliseer deur Media24
Web Development by FormFunction
Kommentaar
Ek dink die Mededingingingskommissie vervul 'n baie belangrike rol in die ekonomie, nl. om die speelveld gelyk te maak vir die groot maatskappye en die kleineres. Ek is in die veevoerbedryf en is daar 'n samespanning tussen agribesighede en vervaardigers. Jy kan, as klein onafhanklike kooperasie, nie direk by hulle koop nie aangesien hulle "kontrakte" met die kooperasies gesluit het om hul produk te verkoop. Dit is kartelvorming en is onwettig. Die mededingingskommissie sal egter nog die sambok inle...
'n Mens kan met mnr. Pienaar se sentimente saamstem, maar hy weet seker al teen hierdie tyd dat die Mededingingsraad se besluit nie einde van verhaal behoort te wees nie. Die Mededingingsraad neem in gevalle administratiewe besluite waarvan die regsgeldigheid nie getoets is nie. Vat hom Hof toe! My mening is die Senwes saak was een so 'n geval.
Wat is die uiteinde van die boetes vir die boer. Het die melkprys gestyg of is die koring prys gelig of het die broodprys dalk drasties gedaal of het die kunsmis prys gedaal agv van die mededingendskommissie se werk? Waar word die boetes nou aangewend?. Of noem ons dit werkskepping vir die amptenare?
Dis reg, laat die 'vrees' vir vervolging daar wees met elke transaksie. Ek noem dit sommer net etiek.
Lewer kommentaar. (Jy hoef nie ingeteken te wees nie.)