Agri Inspec kry 'n bielie

Die Melkprodusente-organisasie (MPO) se forensiese ondersoekmaatskappy, Agri Inspec, het pas 'n splinternuwe data-ontledingsprogram aangeskaf wat die nuutste inligtingstegnologie gebruik. Dit sal die onderneming in staat stel om nóg doeltreffender in sy ondersoeke te wees, het mnr. Joe Hanekom, besturende direkteur van Agri Inspec, gesê.

Volgens hom gebruik Interpol 'n soortgelyke program. Dit is in staat om groot volumes inligting te ontleed, te verwerk en dan 'n duidelike prent op te bou van die ingesamelde inligting.
Hy het reeds iemand in diens geneem wat deur die FBI in Amerika opgelei is om met die program te werk. Hy sal ook van die ander personeellede oplei, het Hanekom gesê.14 Mei 2004