Agri Mpumalanga ondersoek kunsmis

Agri Mpumalanga het ’n forensiese ondersoek  aangevra om te bepaal of dié organisasie ’n gedoemde kunsmistransaksie reg gehanteer het.

Mnr. Lourie Bosman, destydse hoofbestuurder van Agri Mpumalanga, het in 2008 die  organisasie vertel van kunsmis wat teen R3 000 per ton in Durban verkoop word. Sowat 50 boere wou van die kunsmis bekom. Hulle het bestellings geplaas en geld betaal.

Hoewel van die kunsmis gelewer is, het die grootste deel daarvan nooit die boere bereik nie. Ná verskeie mislukte onderhandelings het Agri Mpumalanga die kontrak beëindig en ’n bedrogklag en siviele eis teen Eurostar Trading, die leweraar, aanhangig gemaak.

Mnr. Eckhardt Paul, voorsitter van Agri Mpumalanga, sê die wetlike prosesse het verlede jaar in Mei begin. ’n Deel van die geld is reeds oorbetaal en Eurostar is in Oktober gelikwideer. “Rekeninge word tans ondersoek om die res van die geld terug te kry.”

Die betrokke boere het egter heelwat vrae en dreig met regstappe teen Agri Mpumalanga.

Lees meer in Landbouweekblad se uitgawe van 26 Februarie 2010.

22 Februarie 2010