Agri Wes-Kaap kies voorsitter

Agri Wes-Kaap het tydens die algemene jaarkongres sy voorsitter  en adjunk-voorsitter aangewys.

Mnr. Kosie Loubser, van Durbanville, is herverkies tot voorsitter en mnr. Cornie Swart, van Gansbaai, is as die nuwe adjunk-voorsitter aangewys.

Loubser het laat weet dit is sy laaste jaar as voorsitter. “Ek wil graag sien die grondkwessie moet rigting kry en soek ook sinvolle vordering van die staat sodat ‘n werkbare oplossing gevind kan word.”

Swart, wat by mnr. Neil Hamman snr. oorneem, sê hy wil graag Wes-Kaapse boere tot ‘n groter eenheid sien saamsnoer.

“Ons het ‘n duidelike opdrag by die kongres gekry en  sal nou meer as ooit tevore moet saamstaan om dié opdrag te kan uitvoer. Oud en jonk sal saam aan oplossings moet werk om die kwessies van grond en voedselsekuriteit aan te spreek.”

5 Augustus 2010