ANC ‘negatief oor kommersiële landbou’
Die ANC sien kommersiële landbou in ’n ongunstige lig omdat hy glo dat dit die oorsaak is vir hoë bevolkingskonsentrasie en verslegting van grond in voormalige tuislande.
Prof. André Duvenhage, navorsingsdirekteur vir maatskaplike transformasie by die Universiteit van Noordwes, het by die TLU SA se jaarkongres in Pretoria gesê die Regering se siening is in konflik met dié van kommersiële boere.
Die ANC sê sedert 1994 het kommersiële landbou ontwikkel op ’n manier wat gekenmerk word deur groter konsentrasie van eienaarskap en grootte van plase. Dit lei tot onderbenutting van grond, dit is meer kapitaal-intensief en daar is minder werkgeleenthede.
Die ANC sê die landboubedryf bevorder groot kommersiële boerderye ten koste van kleiner boerderye, soos dit in China en Indië bestaan.
Nasionalisering?
Duvenhage sê nasionalisering en beperkte vorme daarvan is tans onder bespreking. “Daar is verdeeldheid binne die ANC oor die beoogde Groenskrif vir landelike ontwikkeling en grondhervorming, wat eers later vandeesmaand by die nasionale algemene vergadering van die party uitgeklaar sal word.”
Duvenhage sê daar is geen duidelikheid oor wat bedoel word as mnr. Gugile Nkwinti, Minister van Landelike Ontwikkeling en Grondhervorming, sê grond is ’n “nasionale bate” maar dit kan nie gelyk gestel word aan nasionalisering nie. Die beoogde Groenskrif moet veral duidelikheid oor toepassing bring.
8 September 2010
- 1408 keer gelees
Geborgde skakels
Daaglikse nuusbrief
Weeklikse nuusbrief
Teken In
E-pos forum
Gewildste stories
Alle regte voorbehou. © Landbou.com 2011. In Suid-Afrika gepubliseer deur Media24
Web Development by FormFunction
Kommentaar
Indien jy 'n wit-boer is hou hulle nie van jou nie, punt.
Hierdie geluide wat die ANC maak is bitter onstellend. Ek is een van honderde blankes wat dit oorweeg om n ou plasie te koop en deel te raak van die voedselsekuriteits ketting. Met hulle aanhoudende neul om grond te nasionaliseer sal die getal aktiewe boere en produkte net daal.
"Die ANC sien kommersiële landbou in ’n ongunstige lig omdat hy glo dat dit die oorsaak is vir hoë bevolkingskonsentrasie en verslegting van grond in voormalige tuislande."
Ek verstaan nie hoe kon kommersiele landbou die oorsaak van verslegting in grond in die voormalige tuislande wees nie. Die verslegting gebeur juis omdat hulle bestaansboedery doen en veld oorbewei.
AS DIT DIE WAARHEID IS DAN WEERSPIEEL DIT DIE ANC SE UITERSTE ONKUNDE OOR 'N LAND WAT HULLE VERONDERSTEL IS OM TE REGEER AS LEIERS EN NIE AS AKTIVISTE NIE.
SEDERT DIE OU REGERING SE DESENTRALISASIE HET DIE KLOMP AL DAAR TEEN GESKOP. METTERTYD HET MENSE STEDE TOE GETREK OMDAT DAAR MEER GELEENTHEDE SOU WEES ENS. HOE KAN LANDBOU DIE SKULD KRY?
AS DIE ANC BELEID NOU WEL INGEVOER WORD WAAR ELKEEN SY EIE STUKKIE GROND KRY, WIE DINK HULLE GAAN BOER AS AL DIE GELEENTHEDE IN DIE STEDE BLY? AL WAT GAAN GEBEUR IS DAT DIE GROND ONDERVERDEEL GAAN WORD EN DIT GAAN SO LAAT STAAN WORD ALDUS DIE TBVC LANDE WAAR FAMILIE LEDE DAAR BLY MAAR DIE "BROODWINNERS" NOG STEEDS IN DIE STAD WOON EN WERK. DIE BELAGLIKE SITUASIE SAL NET VOORTDUUR.
VERDERMEER DINK DIE ANC DIT IS LEKKER OM VIR DIE EERSTE 20 KM NABY STEDE VIR PLAKKERS KAMPE TE RY? DIS VIR NIEMAND LEKKER NIE MAAR OM LANDBOU TE BLAMEER VIR EEN VAN HULLE ONDERLIGGENDE BELEIDE IS BELAGLIK.
Lewer kommentaar. (Jy hoef nie ingeteken te wees nie.)