Beraad oor kospryse kom

Agri Oos-Kaap het op sy kongres eenparig ’n voorstel aanvaar dat ’n beraad nog vanjaar gehou moet word om die groot verskil tussen produsente- en verbruikerspryse onder die soeklig te plaas.

Mnr. Jaap Joubert, ’n afgevaardigde van die landbouvereniging Aliwal-Noord, sê dat dit noodsaaklik is om die drastiese agteruitgang van die finansiële oorlewing van die boer in teenstelling met die finansiële vooruitgang van die middelman te bespreek.

Joubert het ook verwys na die prys van vleis en melk wat al duurder op die winkelrakke word sonder dat die boer enige voordeel daaruit trek. Mnr. Cerneels Pietersen, voorsitter van Agri Oos-Kaap, sê dat ’n beraad wat vroeër beplan was, op niks uitgeloop het nie aangesien daar min belangstelling van landbouverenigings en bedryfsorganisasies daarvoor was.

Lees meer in Landbouweekblad se uitgawe van 14 Augustus 2009.

11 Augustus 2009