Besetting van grond: Hoe maak jy?

Agri SA het ‘n dokument saamgestel oor hoe ‘n boer moet optree mits hy ‘n slagoffer van plaasbesetters sou word.

Luidens die organisasie se nuusbrief moedig die unie mense wat deur ‘n skielike en georkerstreerde besetting van eiendom geraak sou word, om vinnig en beslis op te tree.

“Die dokument tref ‘n duidelike onderskeid tussen onwettige betreding van eiendom en plakkery in die gewone loop van sake aan die een kant en ‘n skielike en georkestreerde besetting van eiendom deur persone aan die ander kant,” aldus die organisasie.

Volmag om op te tree
Grondeienaars word aangemoedig om ‘n persoon of regsverteenwoordiger volmag te gee om namens hom op te tree indien hy dit nie self kan doen nie, soos wanneer hy op vakansie is.

Volmagvorms is by die dokument ingesluit en dit is reeds aan alle provinsiale affliasies beskikbaar gemaak vir lede.

Die toepas van die protokol vir toegang tot plase is ook van toepassing as dié kwessie in ag geneem word. Boere word aangemoedig om die protokol wat deur verskeie departemente en ander rolspelers onderteken is, toe te pas.

Vir meer inligting oor die dokument, skakel die plaaslike of provinsiale lid-organisasies van Agri SA.

27 Julie 2011